وزیراعظم پاکستان شہباز شریف نے سعودی عرب پر ہونے والے حالیہ حملوں کی شدید مذمت کرتے ہوئے کہا ہے کہ پاکستان مشکل وقت میں برادر ملک سعودی عرب کے ساتھ مکمل یکجہتی کے ساتھ کھڑا ہے۔
وزیراعظم نے اپنے بیان میں کہا کہ پاکستان گزشتہ رات سعودی عرب کے خلاف کیے گئے کھلے اور واضح حملوں کی سخت ترین الفاظ میں مذمت کرتا ہے۔
یہ بھی پڑھیے پاکستان سعودی عرب باہمی دفاعی معاہدے پر دستخط کیا معنی رکھتے ہیں؟
سوشل میڈیا پلیٹ فارم ’ایکس‘ پر ایک پوسٹ میں انہوں نے کہا کہ اس طرح کی قابل مذمت کارروائیاں سعودی عرب کی خودمختاری اور علاقائی سالمیت کی خلاف ورزی ہیں، جو خطے میں امن اور استحکام کو مزید نقصان پہنچانے کا سبب بن سکتی ہیں۔
Pakistan strongly condemns the blatant attacks carried out against the brotherly Kingdom of Saudi Arabia last night.
Such reprehensible actions constitute a violation of the sovereignty and territorial integrity of the Kingdom of Saudi Arabia and have the potential to further…
— Shehbaz Sharif (@CMShehbaz) July 14, 2026
سعودی عرب کی سلامتی کے لیے پاکستان کی غیر متزلزل حمایت
وزیراعظم شہباز شریف نے کہا کہ پاکستان سعودی عرب کی سلامتی کے لیے اپنی غیر متزلزل حمایت کا اعادہ کرتا ہے اور اس نازک وقت میں برادر ملک کے ساتھ مکمل طور پر کھڑا ہے۔
یہ بھی پڑھیے پاکستان سعودی عرب کی سلامتی کے لیے پرعزم، فیلڈ مارشل عاصم منیر کی سعودی وزیر دفاع سے اہم ملاقات
انہوں نے کہا کہ پاکستان اور سعودی عرب کے درمیان برادرانہ تعلقات تاریخی اور مضبوط ہیں، اور پاکستان ہمیشہ سعودی عرب کے امن، سلامتی اور استحکام کے لیے اپنا کردار ادا کرتا رہے گا۔
خطے میں امن کے لیے کوششیں جاری رکھنے کا عزم
وزیراعظم نے مزید کہا کہ پاکستان خطے میں امن، استحکام، سلامتی اور باہمی احترام کو فروغ دینے والی تمام مخلصانہ کوششوں کی حمایت جاری رکھے گا۔
انہوں نے اس بات پر زور دیا کہ خطے میں امن و استحکام کے لیے تمام ممالک کو ذمہ دارانہ کردار ادا کرنا ہوگا تاکہ کشیدگی کو کم کیا جا سکے اور پائیدار امن کی راہ ہموار ہو۔
