بھارت میں طوفان: اچھی ایکٹنگ کس نے کی؟ جوہی چاولہ یا ٹی وی اینکر؟

بھارت کے نجی ٹی وی چینل نے خطرناک طوفان بپر جوائے کا بھی مذاق بنا ڈالا۔ بھارتی خاتون اینکر اسٹوڈیوز میں چھتری اٹھائے تیز ہواؤں میں ڈگمگانے کی اداکاری کرتے ہوئے کہتی ہیں کہ ’اس وقت ہم گجرات پہنچ چکے ہیں، یہاں اتنی تیز ہوائیں چل رہی ہیں کہ کھڑا ہونا اور بولنا بھی مشکل ہے‘۔

سنسنی پھیلانے والی بھارتی ٹی وی اینکر کی یہ ویڈیو سوشل میڈیا پر وائرل ہو گئی اور صارفین کی جانب سے اس کو تنقید کا نشانہ بنایا گیا۔

بالی ووڈ اداکارہ جوہی چاولہ بھی بھارتی صحافی کی ویڈیو پر تبصرہ کیے بغیر نہ رہ سکیں، انہوں نے منہ چھپانے والی ایموجی کا سہارا لیتے ہوئے سماجی رابطوں کی سائیٹ ٹوئیٹر پر ایک کلپ شیئر کیا جس میں وہ شدید طوفان میں کھڑی اپنی فلم کا سین عکس بند کروا رہی ہیں۔ اس کے ساتھ ہی اداکارہ نے بھارتی اینکر کا وہ ویڈیو کلپ بھی شیئر کیا جس میں وہ اسٹوڈیو میں کھڑی اداکاری کر رہی ہیں۔

🙈 pic.twitter.com/F9SBJzyzFX

— Juhi Chawla Mehta (@iam_juhi) June 16, 2023

ایک صارف نے اداکارہ جوہی چاولہ کی جانب سے شیئر کی گئی ویڈیو پر ان کی اداکاری کو سراہتے ہوئے کہا کہ آپ نے خاتون اینکر سے بہتر ایکٹنگ کی ہے۔

But you did it better

— Satya (@TheSatyaShow) June 16, 2023

بھارتی خاتون صحافی کی اداکاری اور صحافتی اقدار پر تبصرہ کرتے ہوئے ایک صارف لکھتے ہیں کہ یہ صحافت کی موت ہے۔

Death of journalism

— YABA NAQSHBANDI (@Yaba4U) June 16, 2023

نرمل جیوتی نامی صارف نے بھارتی نیوز چینل ری پبلک ٹی وی کو ٹیگ کرتے ہوئے سوال کیا کہ یہ سب حقیقت میں ہوا ہے؟

Is this for real @republic ?

— Nirmal Jyothi (@majornirmal) June 16, 2023

ایک صارف نے اداکارہ جوہی چاولہ کی جانب سے شیئر کی گئی ویڈیو پر تبصرہ کرتے ہوئے لکھا کہ آپ ایک فلم میں اداکاری کر رہی ہیں جبکہ خاتون اینکر اسٹوڈیو میں اداکاری کر رہی ہیں۔

You were doing an act in a film and she is doing an act in the news studio. Film Act spread awareness among the people about fake media and studio act created fun of media. There is a huge difference, @iam_juhi https://t.co/QCiOWuDIUA

— Dr.Chayanika Uniyal (@dr_chayanika) June 16, 2023

ایک صارف نے طنزاً لکھا کہ پہلے بالی ووڈ کے گانے ریمکس ہوتے تھے اور فلموں کے سین بھی ریمکس ہونے لگے ہیں۔