پاکستان مسلم لیگ (ن) کے تمام مرکزی عہدیداران بشمول صدر شہباز شریف بغیر کسی مقابلے کے مزید 4 سال کے لیے دوبارہ منتخب ہوگئے ہیں۔
مرکزی سطح پرانٹرا پارٹی انتخابات پاکستان مسلم لیگ (ن) کے مرکزی سیکریٹریٹ چک شہزاد میں ہوئے۔
شہباز شریف کے علاوہ مریم نواز مسلم لیگ ن کی چیف آرگنائزر، احسن اقبال سیکرٹری جنرل، عطا محمد تارڑ ڈپٹی سیکرٹری اور اسحاق ڈار سیکرٹری خزانہ بھی بلا مقابلہ منتخب ہو گئے ہیں۔
Prime Minister Shehbaz Sharif has been elected as the president of PMLN, and Umeed-e-Seher Maryam Nawaz Sharif has been elected as the chief organizer of PMLN at the Central General Council meeting. pic.twitter.com/dTVvv9Cn8T
— PMLN (@pmln_org) June 16, 2023
شاہد خاقان عباسی کو کوئی عہدہ نہیں ملا
تاہم پارٹی کے سینیئررہنما اور سابق وزیر اعظم شاہد خاقان عباسی کو پاکستان مسلم لیگ نواز میں کوئی عہدہ نہیں دیا گیا۔
جمعرات کو ہونے والے انٹر پارٹی الیکشن میں مسلم لیگ (ن) نے اپنے اقلیتی ونگ کو فعال کرنے کا فیصلہ بھی کیا اور حوالے سے چیف آرگنائزر مریم نواز کی جانب سے 6 رکنی ٹیم تشکیل دی گئی۔
پنجاب میں سابق رکن صوبائی اسمبلی ایم پی اے راحیلہ خادم حسین کو پنجاب اقلیتی کمیٹی کا کوآرڈینیٹر مقرر کر دیا گیا ہے۔ ارکان میں رمیش سنگھ اروڑہ، کامران بھٹی، بابو لیلا رام اور روبینہ فیروز شامل ہیں۔
کمیٹی کو 3 ہفتوں میں اقلیتی ونگ کا تنظیمی ڈھانچہ مکمل کرنے کا کام سونپا گیا ہے۔