دفتر خارجہ نے بھارتی وزیر دفاع راج ناتھ سنگھ کے مسئلہ کشمیر سے متعلق حالیہ بیانات کو سختی سے مسترد کرتے ہوئے انہیں انتہائی اشتعال انگیز اور غیر ذمہ دارانہ قرار دیا ہے۔ دفتر خارجہ نے کہا ہے کہ بھارت کو پاکستان کے عزم اور کسی بھی مہم جوئی کا بھرپور جواب دینے کی صلاحیت کو ہرگز کم نہیں سمجھنا چاہیے۔
مزید پڑھیں:افغان ناظم الامور کی دفتر خارجہ طلبی، کراچی حملے میں ملوث ہونے پر احتجاجی مراسلہ حوالے
دفتر خارجہ کے جاری کردہ بیان میں کہا گیا کہ بھارتی وزیر دفاع کے ریمارکس نہ صرف اقوام متحدہ کے ایجنڈے پر موجود بین الاقوامی طور پر تسلیم شدہ جموں و کشمیر تنازع سے متعلق حقائق کو مسخ کرتے ہیں بلکہ یہ بھارتی حکومت کی جانب سے علاقائی اور عالمی امن کو خطرے میں ڈالنے کی دانستہ پالیسی کی بھی عکاسی کرتے ہیں۔
بیان میں کہا گیا کہ بھارت ایسے بیانات کے ذریعے غیر قانونی طور پر زیر قبضہ جموں و کشمیر پر اپنے قبضے، خطے میں دہشتگردی کی سرپرستی اور اپنے اندرونی مسائل سے توجہ ہٹانے کی کوشش کر رہا ہے۔
🔊PR No.1️⃣8️⃣9️⃣/2️⃣0️⃣2️⃣6️⃣
Pakistan Condemns Remarks by Indian Defense Minister
🔗⬇️ pic.twitter.com/PB2AxaaI5Y
— Ministry of Foreign Affairs – Pakistan (@ForeignOfficePk) July 26, 2026
دفتر خارجہ نے مزید کہا کہ جارحانہ بیانات کے باوجود بھارت کو یہ نہیں بھولنا چاہیے کہ پاکستان کی حکومت اور عوام کسی بھی بھارتی مہم جوئی کا بھرپور مقابلہ کرنے کے لیے پُرعزم ہیں، جس کا مظاہرہ گزشتہ برس آپریشن بنیان المرصوص کے دوران پوری قوم اور مسلح افواج نے کیا۔
مزید پڑھیں:ایرانی صدر ڈاکٹر مسعود پزشکیان کل پاکستان کا دورہ کریں گے، دفتر خارجہ کی تصدیق
پاکستان نے بین الاقوامی برادری، بالخصوص اقوام متحدہ، پر زور دیا کہ وہ بھارت کے طرزِ عمل کا نوٹس لے اور سلامتی کونسل کی ان قراردادوں پر عمل درآمد یقینی بنانے کے لیے کردار ادا کرے جن میں کشمیری عوام کو حقِ خودارادیت دینے کی ضمانت دی گئی ہے۔
