بھارت کی ریاست گجرات کے ضلع موربی کے گاؤں ویرپارڈا میں ایک پراسرار کنواں ایک بار پھر لوگوں کی توجہ کا مرکز بن گیا، جہاں کنویں کا پانی کسی ظاہری وجہ کے بغیر خود بخود حرکت کرتا دکھائی دے رہا ہے۔
بھارتی میڈیا کے مطابق کنویں میں پانی کی غیر معمولی لہریں جمعرات کی سہ پہر قریباً 3 بجے دوبارہ نمودار ہوئیں۔ اس سے 2 روز قبل بھی ایسا ہی منظر دیکھا گیا تھا، جو کچھ دیر بعد رک گیا، تاہم بعد ازاں پانی میں پھر اچانک حرکت شروع ہو گئی۔
A mysterious well in Virparda village, Morbi taluka, Gujarat, India, showed unusual activity again today. Its water appeared to move on its own, resuming around 3:00 PM after a similar disturbance two days ago. @HussainAhmedCh8 @KulAalam pic.twitter.com/IBT6gh5myK
— Media Talk (@mediatalk922) August 7, 2026
اس غیر معمولی واقعے کو دیکھنے کے لیے بڑی تعداد میں مقامی افراد کنویں کے اطراف جمع ہو گئے۔ سوشل میڈیا پر بھی اس کی ویڈیوز تیزی سے وائرل ہو رہی ہیں اور لوگ اس کی مختلف وجوہات پر قیاس آرائیاں کر رہے ہیں۔
تاحال اس پراسرار حرکت کی کوئی سرکاری یا سائنسی وجہ سامنے نہیں آئی۔ بعض مقامی افراد کا خیال ہے کہ موربی زلزلہ خیز علاقے میں واقع ہے، اس لیے ممکن ہے یہ زیرِ زمین ارضیاتی سرگرمیوں کا نتیجہ ہو، تاہم حکام نے اس بارے میں کوئی باضابطہ وضاحت جاری نہیں کی۔
