اقوام متحدہ میں پاکستان کے مستقل مشن نے جنوبی سوڈان میں امن، استحکام اور خوشحالی کے لیے جاری علاقائی اور عالمی سفارتی کوششوں کی حمایت کا اعادہ کیا ہے۔
اقوام متحدہ کی سلامتی کونسل میں جنوبی سوڈان اور اقوام متحدہ کے امن مشن (UNMISS) سے متعلق بریفنگ کے دوران پاکستان کے نائب مستقل مندوب سفیر عثمان جدون نے کہا کہ پاکستان افریقی یونین، بین الحکومتی ترقیاتی اتھارٹی(IGAD)، افریقی یونین کی اعلیٰ سطح ایڈہاک کمیٹی اور تنزانیہ کے سابق صدر جکایا کیکویٹے کی مسلسل سفارتی کوششوں کا خیرمقدم کرتا ہے۔
Pakistan welcomes the continued engagement of the African Union, IGAD, the AU High-level Ad Hoc Committee and former President Jakaya Kikwete of Tanzania. These efforts should be closely coordinated through the AU-IGAD-United Nations framework and translated into sustained… pic.twitter.com/MkcgSYvmQU
— Permanent Mission of Pakistan to the UN (@PakistanUN_NY) August 6, 2026
انہوں نے زور دیا کہ ان تمام اقدامات کو افریقی یونین، آئی جی اے ڈی اور اقوام متحدہ کے مشترکہ فریم ورک کے تحت مؤثر انداز میں مربوط کیا جائے اور انہیں تمام فریقین کے ساتھ مسلسل سیاسی روابط میں تبدیل کیا جائے۔
سفیر عثمان جدون نے کہا کہ پاکستان جنوبی سوڈان میں اقوام متحدہ کے امن مشن (UNMISS) اور وہاں دیرپا امن، استحکام اور خوشحالی کے لیے کی جانے والی تمام کوششوں کی بھرپور حمایت جاری رکھے گا۔
