آزاد کشمیر قانون ساز اسمبی کے تیسرے مرحلے کے انتخابات میں ضلع باغ کے حلقہ ایل اے 14 سے مسلم کانفرنس کے سربراہ سابق وزیراعظم سردار عتیق احمد خان کو غیر متوقع شکست کا سامنا کرنا پڑا ہے، جہاں وہ اپنی آبائی نشست بھی برقرار نہ رکھ سکے۔
مزید پڑھیں:پونچھ اور پلندری میں امن و امان کی صورتحال، آزاد کشمیر انتخابات کا تیسرا مرحلہ مؤخر
پیر 10 اگست کو ضلع باغ کی 3 جبکہ حویلی کی ایک نشست پر تیسرے مرحلے کے انتخابات میں ووٹنگ ہوئی۔ حلقہ ایل اے 14 غربی باغ کے تمام پولنگ اسٹیشنز کے موصول ہونے والے غیر حتمی اور غیر سرکاری نتائج کے مطابق جموں و کشمیر دست و بازو پارٹی کے امیدوار سردار ساجد اقبال نے کامیابی حاصل کرلی۔
ساجد اقبال نے 40 ہزار 702 ووٹ حاصل کیے، جبکہ سردار عتیق احمد خان کے حصے میں 19 ہزار 542 ووٹ آئے۔ اس طرح ساجد اقبال نے اپنے حریف سے دوگنے سے بھی زیادہ ووٹ حاصل کیے۔
مزید پڑھیں:اس وقت آزاد کشمیر کی وزارت عظمیٰ ایک منصب نہیں، کڑا امتحان ہے، چوہدری طارق فاروق
حلقہ ایل اے 14 سابق وزیراعظم سردار عتیق احمد خان کی آبائی نشست ہے، جہاں سے ان کے والد سردار عبدالقیوم بھی ماضی میں کامیاب ہوتے رہے ہیں۔
اس اپ سیٹ کے بعد آل جموں و کشمیر مسلم کانفرنس کی سیاست کو بڑا دھچکا لگا ہے، اور پارلیمانی سیاست سے باہر ہوگئی ہے۔
