وزیراعلیٰ پنجاب مریم نواز شریف نے وزیراعظم آزاد کشمیر فیصل ممتاز راٹھور کو ٹیلیفون کر کے الیکشن میں شاندار کامیابی حاصل کرنے پر مبارکباد پیش کی ہے۔
اس موقع پر وزیراعظم آزاد کشمیر فیصل ممتاز راٹھور نے نیک تمناؤں کا اظہار کرنے اور فتح پر مبارکباد دینے پر وزیر اعلیٰ پنجاب کا شکریہ ادا کیا۔
یہ بھی پڑھیں:آزاد کشمیر میں امن و امان مزید مؤثر بنانے کا عزم، وزیراعظم فیصل ممتاز راٹھور کی اعلیٰ حکام سے اہم ملاقاتیں
پاکستان پیپلز پارٹی کے امیدوار فیصل ممتاز راٹھور آزاد کشمیر کے حلقہ LA-17 حویلی کہوٹہ سے انتخابی معرکے میں کامیاب قرار پائے ہیں۔
اس نشست پر پاکستان مسلم لیگ (ن) کے امیدوار محسن عزیز نے مبینہ دھاندلی کا الزام عائد کرتے ہوئے دوبارہ ووٹوں کی گنتی کی باضابطہ درخواست دائر کی تھی، تاہم الیکشن حکام نے ان کی درخواست کو مسترد کر دیا۔
آزاد جموں کشمیر کے حالیہ عام انتخابات میں سیاسی جماعتوں کے درمیان سخت مقابلے دیکھے گئے، جہاں حلقہ حویلی کہوٹہ کی نشست پر پیپلز پارٹی اور مسلم لیگ (ن) کے مابین کاٹے دار مقابلہ رہا۔
قانونی اور انتخابی مراحل مکمل ہونے کے بعد نتائج سامنے آنے پر اتحادی سیاست کی روایات کے مطابق اعلیٰ قیادت کی جانب سے مبارکبادوں اور سیاسی یگانگت کے تبادلے کا سلسلہ جاری ہے۔
