بھارتی صحافی اور دفاعی امور کے تجزیہ کار پروین ساہنی نے بھارت اور پاکستان کے درمیان جنگوں پر بننے والی بھارتی فلموں کو شدید تنقید کا نشانہ بناتے ہوئے انہیں غیر حقیقی اور یک طرفہ قرار دیا ہے۔
یہ بھی پڑھیں: ’صرف دستاویزی فلمیں بنانے سے ناکامی کامیابی میں نہیں بدل سکتی‘: آئی ایس پی آر کا بھارتی پروپیگنڈے پر کرارا جواب
سماجی رابطے کی ویب سائٹ ایکس پر اپنے ایک بیان میں پروین ساہنی نے کہا کہ وہ بھارت اور پاکستان کی جنگوں پر بننے والی فلمیں نہیں دیکھتے تاہم وہ ایکس پر ان فلموں سے متعلق بعض پوسٹس، تبصرے اور ویڈیو کلپس دیکھتے اور پڑھتے ہیں۔
انہوں نے کہا کہ جو شخص ان جنگوں کو سمجھتا ہے اس کے لیے ایسی تمام فلمیں غیر حقیقی اور انتہائی یک طرفہ نظر آتی ہیں جبکہ ان میں بڑی خامیاں بھی موجود ہوتی ہیں۔
پروین ساہنی نے کہا کہ وہ یہ بھی سمجھتے ہیں کہ ایسی فلمیں کیوں بنائی جاتی ہیں۔
ان کے مطابق ان کا ایک مقصد یہ تاثر دینا ہے کہ بھارتی فوج پاکستانی فوج سے برتر ہے، دوسرا مقصد قوم پرستی کو انتہائی سطح تک بڑھانا اور تیسرا یہ تاثر پیدا کرنا ہے کہ بھارتی فوج کو سوال یا تنقید سے بالاتر سمجھا جائے۔
مزید پڑھیے: بھارت اور طالبان رجیم پاکستان پر کسی حملے کا سوچ بھی نہیں سکتے، وزیر دفاع خواجہ آصف
بھارتی صحافی نے مزید کہا کہ ایسے بیانیے کے تحت بھارتی فوج پر سوال اٹھانا گویا ایک مقدس چیز کی بے حرمتی کے مترادف بنا کر پیش کیا جاتا ہے۔
I don't watch movies on India's wars with Pakistan. However, I do read a few posts, reviews & video clips on X. For one who understands these wars, all such movies are unreal, hugely one sided with major shortcomings.
I do understand why they are made: to show Indian military is…— Pravin Sawhney (@PravinSawhney) August 18, 2026
انہوں نے بھارتی معاشرے کی موجودہ صورتحال پر بھی تبصرہ کرتے ہوئے کہا کہ گزشتہ 12 برس سے زیادہ تر بھارتی ایک خیالی دنیا میں زندگی گزار رہے ہیں۔
پروین ساہنی کے مطابق جو لوگ اس ’خیالی دنیا‘ کا حصہ نہیں ہیں انہیں اب ’دماغی نکسل‘ کہا جاتا ہے۔
انہوں نے بھارتی عوام کو مخاطب کرتے ہوئے کہا کہ ’لوگو، نیند سے جاگیں، وقت بدل رہا ہے اور بہت تیزی سے بدل رہا ہے‘۔
بھارتی صحافی نے اپنے بیان کے اختتام پر دعویٰ کیا کہ سال 2029 سے پہلے حالات بہتر سمت میں تبدیل ہونے والے ہیں۔
مزید پڑھیں: بھارتی اداکارہ 27 سال کی عمر میں چل بسیں، موت کی خبر ایک ماہ بعد سامنے آگئی
پروین ساہنی کے یہ تبصرے ایسے وقت سامنے آئے ہیں جب بھارت اور پاکستان کے درمیان ماضی کی جنگوں اور حالیہ کشیدگی کو موضوع بنانے والی فلموں اور دیگر مواد پر دونوں ممالک میں بحث جاری ہے۔
