اسلام آباد اور راولپنڈی میں موسلا دھار بارش کا سلسلہ جاری ہے، جس کے باعث مختلف شاہراہوں اور نشیبی علاقوں میں پانی جمع ہونے سے ٹریفک کی روانی متاثر ہونے کا خدشہ ہے، جبکہ نالہ لئی میں پانی کی سطح خطرناک حد تک بلند ہونے کے بعد انخلا کا الرٹ جاری کردیا گیا ہے۔
انتظامیہ کے مطابق نالہ لئی کے کیچمنٹ ایریاز میں شدید بارش جاری ہے جو آئندہ ایک گھنٹے تک جاری رہنے کا امکان ہے، جس کے نتیجے میں نالے میں پانی کی سطح مزید بلند ہوسکتی ہے۔
مزید پڑھیں:مون سون کی آمد، نالہ لئی سے سیلاب کی پیشگی اطلاع دینے والا سسٹم چوری
کٹاریاں کے مقام پر پانی کی سطح پہلے ہی مقررہ انخلا کی حد 20 فٹ سے تجاوز کرچکی ہے۔ کٹاریاں میں پانی کے بڑھتے ہوئے بہاؤ کے باعث اس کے نشیبی علاقوں کی جانب منتقل ہونے اور بعد ازاں گوالمنڈی کے علاقے کو بھی متاثر کرنے کا خدشہ ظاہر کیا گیا ہے۔
🚨 #Evacuation Alert has been issued in #Rawalpindi after the Nullah Leh crossed its high flood mark by the@pmdgov
Water level: 📷Katarian 28 ft 📷#Islamabad has caused #urbanflooding.
9th Avenue flooded near Faiz Ahmed Faiz Metro Station۔@HussainAhmedCh8 @KulAalam pic.twitter.com/gxB1INXeHi— Media Talk (@mediatalk922) September 1, 2026
تمام متعلقہ اداروں اور حکام کو ہائی الرٹ رہنے، کمزور اور نشیبی علاقوں میں ضروری انخلا اور ہنگامی اقدامات فوری شروع کرنے اور شہریوں کے تحفظ کے لیے تمام ممکنہ اقدامات یقینی بنانے کی ہدایت کی گئی ہے۔
دوسری جانب اسلام آباد ٹریفک پولیس نے شہریوں کو بارش کے دوران غیر ضروری سفر سے گریز اور احتیاطی تدابیر اختیار کرنے کی ہدایت کی ہے۔ شہری سفر کے لیے اضافی وقت لے کر نکلیں، گاڑی اور موٹرسائیکل کی رفتار کم رکھیں اور آگے چلنے والی گاڑیوں سے مناسب فاصلہ برقرار رکھیں۔
ٹریفک پولیس کے مطابق بارش کے دوران فوگ لائٹس کا استعمال کریں، اپنی لین میں رہیں، سائیڈ شیشوں اور انڈیکیٹرز کا درست استعمال یقینی بنائیں اور سیٹ بیلٹ لازمی باندھیں۔ موٹرسائیکل سوار انتہائی بائیں لین میں سفر کریں اور ہیلمٹ کا استعمال ہر صورت یقینی بنائیں۔
Torrential Rains Flood Rawalpindi as Nullah Lai Rises, Several Areas Submerged
Water enters homes and streets across the city; vehicles stranded in floodwater as authorities impose emergency measures and announce local holiday pic.twitter.com/kcb6BO7ZcD
— Aamir Saeed Abbasi (@AmirSaeedAbbasi) September 1, 2026
اسلام آباد ٹریفک پولیس کے افسران شہریوں کی سہولت اور رہنمائی کے لیے مختلف شاہراہوں پر موجود ہیں۔ شہری مزید ٹریفک اپ ڈیٹس کے لیے اسلام آباد ٹریفک پولیس کے واٹس ایپ چینل، اسلام آباد پولیس کے سوشل میڈیا پیجز اور آئی ٹی پی ایف ایم 92.4 سے رہنمائی حاصل کرسکتے ہیں۔
ادھر ڈپٹی کمشنر راولپنڈی نے شہریوں سے اپیل کی ہے کہ موجودہ موسمی صورتحال اور مسلسل بارشوں کے پیش نظر اپنی اور اپنے اہلِخانہ کی حفاظت کو ترجیح دیں اور بلا ضرورت گھروں سے باہر نکلنے سے گریز کریں۔
شہریوں کو خصوصاً نشیبی علاقوں، برساتی نالوں، ندی نالوں اور پانی جمع ہونے والے مقامات سے دور رہنے کی ہدایت کی گئی ہے۔ ندی نالوں میں نہانے یا تیراکی سے مکمل طور پر اجتناب کیا جائے، جبکہ والدین بچوں کی خصوصی نگرانی یقینی بنائیں اور انہیں ایسے مقامات پر جانے یا کھیلنے سے روکیں۔
گوال منڈی نالہ لئی میں پانی کی سطح میں تیزی سے اضافہ ۔۔۔ خطرے کے سائرن بچ گئے pic.twitter.com/1FulZWtGwv
— M.S.K (@KhokharSab29601) September 1, 2026
مزید پڑھیں: راولپنڈی، اسلام آباد میں تیز بارش، نالہ لئی کے بہاؤ میں اضافہ
ضلعی انتظامیہ نے شہریوں پر زور دیا ہے کہ بارش کے دوران غیر ضروری سفر سے گریز کریں اور کسی بھی ہنگامی صورتحال میں انتظامیہ کی جانب سے جاری کردہ ہدایات پر فوری عمل کریں۔
انتظامیہ کے مطابق شہریوں کا محتاط رویہ انہیں اور ان کے خاندانوں کو ممکنہ حادثات سے محفوظ رکھنے میں اہم کردار ادا کرسکتا ہے۔
