بھارتی وزیر خارجہ ایس جے شنکر 26 ستمبر کو اقوام متحدہ کی جنرل اسمبلی کے اعلیٰ سطحی عمومی مباحثے سے خطاب کریں گے، جہاں وہ بھارت کا قومی مؤقف پیش کریں گے۔
بھارت کے سرکاری نشریاتی ادارے ڈی ڈی انڈیا نے ایک ٹوئٹ میں بتایا کہ ایس جے شنکر جنرل اسمبلی کے اجلاس کے دوران 26 ستمبر کو دوپہر کے سیشن میں خطاب کریں گے۔ اقوام متحدہ کی جنرل اسمبلی کا عمومی مباحثہ 22 سے 28 ستمبر تک جاری رہے گا۔
𝐄𝐀𝐌 𝐒. 𝐉𝐚𝐢𝐬𝐡𝐚𝐧𝐤𝐚𝐫 𝐭𝐨 𝐚𝐝𝐝𝐫𝐞𝐬𝐬 𝐔𝐍 𝐆𝐞𝐧𝐞𝐫𝐚𝐥 𝐀𝐬𝐬𝐞𝐦𝐛𝐥𝐲 𝐨𝐧 𝐒𝐞𝐩𝐭𝐞𝐦𝐛𝐞𝐫 𝟐𝟔
EAM @DrSJaishankar will address the UN General Assembly’s high-level General Debate on September 26, delivering India’s national statement during the afternoon… pic.twitter.com/N0KeSYDNfz
— DD India (@DDIndialive) September 5, 2026
جے شنکر کے خطاب کے حوالے سے سوشل میڈیا پر سخت تنقید جاری ہے۔ اس حوالے سے ایک صارف کی جانب سے کہا گیا ہے کہ دنیا کو اقوام متحدہ کی جنرل اسمبلی میں بھارتی وزیر خارجہ کی جانب سے ’ایک اور جھوٹ کے سلسلے‘ کے لیے تیار رہنا ہوگا۔
بیان میں الزام عائد کیا گیا کہ جے شنکر کی جانب سے ایک بار پھر ایسے بیانیے اور حکمت عملی اختیار کیے جانے کا امکان ہے جن کا مقصد انسانی حقوق سے متعلق سنگین خدشات، اقلیتوں کے ساتھ امتیازی سلوک اور بین الاقوامی ذمہ داریوں، معاہدوں اور اقوام متحدہ کی قراردادوں سے بھارت کے مبینہ انتخابی رویے سے توجہ ہٹانا ہے۔
یہ بھی پڑھیں:اسرائیل میں نیتن یاہو پر دباؤ، جے شنکر کی وجہ سے مودی حکومت پھر متنازع صورتحال میں مبتلا
سوشل میڈیا صارفین کی جانب سے عالمی برادری پر زور دیا گیا کہ وہ نئی دہلی کے سفارتی بیانیے اور دعوؤں سے آگے بڑھ کر حقائق کا جائزہ لے اور جواب دہی کا مطالبہ کرے، محض وضاحتوں اور جواز کو قبول نہ کیا جائے۔
