پاکستان کرکٹ ٹیم کے سابق کپتان وسیم اکرم نے اپنے قریبی دوست اور میزبان فخرِ عالم کے ماضی کی ایک دلچسپ ویڈیو سوشل میڈیا پر شیئر کردی، جس کے بعد یہ کلپ تیزی سے وائرل ہوگیا۔
وسیم اکرم اور فخرِ عالم کی دوستی کافی پرانی اور گہری ہے، دونوں ہر سال کرکٹ ٹرانسمیشن کی میزبانی بھی ایک ساتھ کرتے ہیں۔ رواں برس دونوں نے ایک ساتھ حج کی سعادت بھی حاصل کی تھی۔
View this post on Instagram
فخرِ عالم کو آج ایک معروف میزبان اور میڈیا شخصیت کے طور پر جانا جاتا ہے تاہم وہ ماضی میں اداکاری کے شعبے سے بھی وابستہ رہے ہیں۔ انہوں نے ایک فلم میں معروف اداکارہ ریشم کے ساتھ بھی کام کیا تھا۔
وسیم اکرم نے فخرِ عالم کی اسی فلم کا ایک ڈانس کلپ اپنے انسٹاگرام اکاؤنٹ پر شیئر کردیا۔ ویڈیو میں فخرِ عالم کو اپنے ماضی کے انداز میں رقص کرتے دیکھا جاسکتا ہے۔
یہ بھی پڑھیں: پاکستان کرکٹ میں ٹیلنٹ کا بحران، وسیم اکرم نے پی ایس ایل پر بھی سوال اٹھا دیا
ماضی کی یہ جھلک سامنے آنے کے بعد سوشل میڈیا پر دلچسپ تبصروں کا سلسلہ شروع ہوگیا جبکہ متعدد شوبز شخصیات نے بھی اس میں حصہ لیا۔
شازیہ نیاز نے مزاحیہ انداز میں تبصرہ کرتے ہوئے کہا کہ صرف ایک سچا دوست ہی اس طرح آپ کی ٹانگ کھینچ سکتا ہے۔
یہ بھی پڑھیں: ایجبسٹن ٹیسٹ میں شان مسعود کی شاندار 95 رنز کی اننگز، رمیز راجا اور وسیم اکرم کو پیچھے چھوڑ دیا
اداکار ہمایوں سعید نے فخرِ عالم کو مخاطب کرتے ہوئے کہا کہ حاجی صاحب میں تو بہت سے ٹیلنٹس ہیں۔ جبکہ ایک صارف نے کہا کہ ’یہ ٹیلنٹ تو پہلے کبھی نہیں دیکھا‘۔
سابق قومی کرکٹر اظہر علی نے بھی فخرِ عالم کی مختلف صلاحیتوں کو سراہتے ہوئے انہیں آل راؤنڈر قرار دے دیا۔
