وفاقی حکومت نے 18 ستمبر کے لیے پیٹرولیم مصنوعات کی نئی قیمتوں کا اعلان کردیا ہے، جس کے تحت ہائی اسپیڈ ڈیزل کی قیمت میں 3.47 روپے فی لیٹر اضافہ جبکہ پیٹرول کی قیمت میں 43 پیسے فی لیٹر کمی کردی گئی ہے۔
وزارت توانائی کے مطابق آئل اینڈ گیس ریگولیٹری اتھارٹی (اوگرا) نے وفاقی حکومت کے پیٹرولیم قیمتوں کے طریقہ کار کے تحت 18 ستمبر سے پیٹرولیم مصنوعات کی ایکس ڈپو قیمتوں پر نظرثانی کی ہے۔
ہائی اسپیڈ ڈیزل کی قیمت 421.45 روپے سے بڑھا کر 424.92 روپے فی لیٹر کردی گئی ہے، جبکہ موٹر اسپرٹ یعنی پیٹرول کی قیمت 391.22 روپے سے کم کرکے 390.79 روپے فی لیٹر مقرر کی گئی ہے۔
وزارت توانائی کے مطابق قیمتوں میں تبدیلی عالمی صورتحال، پلاٹس ریٹس، پریمیم اور دیگر متعلقہ اخراجات میں تبدیلی کے باعث کی گئی ہے۔
