پاکستان کے دورے پر آئے بحرین کے وزیر خارجہ ڈاکٹر عبداللطیف بن راشد الزیانی نے وزارت خارجہ میں نائب وزیراعظم و وزیر خارجہ سینیٹر محمد اسحاق ڈار سے ملاقات کی۔
وزارت خارجہ کے ترجمان کے مطابق دونوں رہنماؤں کے درمیان دوطرفہ ملاقات ہوگی، جبکہ وہ پاکستان اور بحرین کے درمیان مشترکہ وزارتی کمیشن کے تیسرے اجلاس کی مشترکہ صدارت بھی کریں گے۔
یہ بھی پڑھیں: پاکستان، سعودی عرب اور ترکیہ کے دفاعی معاہدے پر بحرین کا خیرمقدم
ملاقات اور مشترکہ وزارتی کمیشن کے اجلاس میں پاکستان اور بحرین کے درمیان دوطرفہ تعلقات سمیت باہمی دلچسپی کے مختلف امور پر تبادلہ خیال متوقع ہے۔
H.E. Dr. Abdullatif bin Rashid Al Zayani, Foreign Minister of #Bahrain , was received by @DPM_PK @MIshaqDar50 at @ForeignOfficePk
The two leaders will hold a bilateral meeting and co-chair the third session of the Pakistan-Bahrain Joint Ministerial Commission. pic.twitter.com/nh6rY8vEEw
— Shaukat Piracha (@ShaukatPiracha1) October 8, 2026
اس سے قبل بحرین کے وزیر خارجہ ڈاکٹر عبداللطیف بن راشد الزیانی کی 2 روزہ سرکاری دورے پر رات گئے اسلام آباد پہنچے۔
وزارت خارجہ کے مطابق بحرینی وزیر خارجہ کا ہوائی اڈے پر اقتصادی امور ڈویژن کے سیکریٹری محمد حمیرکریم اور ایڈیشنل سیکریٹری برائے مشرق وسطیٰ زاہد حسین نے استقبال کیا۔
Foreign Minister of Bahrain Dr. Abdullatif bin Rashid Al Zayani has arrived in Islamabad on a two-day official visit to Pakistan@ForeignOfficePk @PakinBahrain @eadgop #RadioPakistan #news https://t.co/zWciqjQlLh pic.twitter.com/JdTotOujGM
— Radio Pakistan (@RadioPakistan) October 7, 2026
وزارت خارجہ نے سماجی رابطے کی ویب سائٹ ایکس پر جاری بیان میں کہا کہ بحرینی وزیر خارجہ کا دورہ پاکستان اور بحرین کے درمیان قریبی، دوستانہ اور برادرانہ تعلقات کی عکاسی کرتا ہے۔
بیان کے مطابق یہ دورہ دونوں ممالک کے درمیان دوطرفہ تعاون کو مزید فروغ دینے کے مشترکہ عزم کو بھی اجاگر کرتا ہے۔
