رانا ثاقب سلیم
پانی زندگی ہے، مگر بہاولنگر کے شہری صاف پانی کے حصول کے لیے دربدر ہیں۔ تقریباً 6 لاکھ آبادی والا شہر، جو گزشتہ 20 برس میں تین گنا بڑھ چکا ہے، محدود وسائل کے باعث بنیادی سہولیات سے محروم ہے۔
شہر کے بیشتر واٹر فلٹریشن پلانٹس بند ہیں، جبکہ 20 سال پرانی واٹر سپلائی پائپ لائنیں بڑھتی ہوئی آبادی کی ضروریات پوری کرنے سے قاصر ہیں۔ شہریوں کا کہنا ہے کہ چونکہ بڑے یونٹ کی وجہ سے چھوٹے علاقوں کے مسائل نظر انداز ہو رہے ہیں اور دوردراز کے علاقوں میں بیڈ گورننس پر لاہور، جو 250 کلومیٹر فاصلے پر ہونے کی وجہ سے نظر رکھنا مشکل نہیں بلکہ ناممکن ہے۔
انتظامی بنیادوں پر اختیارات نچلی سطح تک منتقل کیے جائیں اور بہاولپور کو صوبہ بنایا جائے تو لاہور سے 250 کلومیٹر دور بہاولنگر سمیت جنوبی پنجاب کے مسائل مقامی سطح پر شہریوں کی دہلیز پر حل کیے جا سکتے ہیں۔
