نائب وزیراعظم و وزیر خارجہ اسحاق ڈار نے کہا ہے کہ صوبوں کی طلب کے مطابق گندم کی وافر فراہمی کا انتظام کر لیا گیا ہے، درآمدی گندم کی پہلی کھیپ رواں ماہ کے اختتام سے قبل کراچی پہنچ جائے گی۔
مزید پڑھیں:وزیر خارجہ اسحاق ڈار کی بشکیک میں شنگھائی تعاون تنظیم کے سیکریٹری جنرل سے ملاقات
نائب وزیراعظم کی زیر صدارت گندم کی درآمد سے متعلق اسٹیئرنگ کمیٹی کے ساتویں اجلاس میں مالی سال 2026-27 کے لیے گندم کی درآمد پر پیشرفت کا جائزہ لیا گیا۔ اسحاق ڈار نے گندم کی دستیابی کے انتظامات پر اطمینان کا اظہار کیا۔
اسحاق ڈار نے ہدایت کی کہ درآمدی گندم اور پاسکو کے ذخائر سے صوبوں کو پہلے ہی مختص کی گئی گندم کو قیمتوں میں استحکام اور صارفین کو ریلیف دینے کے لیے استعمال کیا جائے۔
مزید پڑھیں:وزیر خارجہ اسحاق ڈار کا سعودی ہم منصب کا رابطہ، خطے فلسطین کی صورتحال پر تبادلہ خیال
اجلاس میں قومی غذائی تحفظ و تحقیق، تجارت کے وفاقی وزرا، معاون خصوصی طارق باجوہ، سیکریٹری قومی غذائی تحفظ و تحقیق، صوبائی محکموں کے متعلقہ سیکریٹریز اور دیگر حکام نے شرکت کی۔
