مالدیپ کے صدر ڈاکٹر محمد معیزو وزیراعظم شہباز شریف کی دعوت پر 3 روزہ سرکاری دورے پر منگل کے روز اسلام آباد پہنچ گئے۔ دورے کے دوران دونوں ممالک کے درمیان اہم شعبوں میں تعاون بڑھانے کے لیے کئی معاہدوں اور مفاہمتی یادداشتوں پر دستخط متوقع ہیں۔
یہ بھی پڑھیں: مالدیپ کی وزیر خارجہ کابینہ ارکان کے ہمراہ اسلام آباد پہنچ گئیں
دفتر خارجہ کے بیان کے مطابق اسلام آباد انٹرنیشنل ایئرپورٹ پر وفاقی وزیر برائے بحری امور محمد جنید انور چودھری اور وفاقی وزیر مملکت برائے وفاقی تعلیم و پیشہ ورانہ تربیت وجیہہ قمر نے معزز مہمانوں کا پرتپاک استقبال کیا۔
The President of the Republic of Maldives, H.E. Dr. Mohamed Muizzu, arrived in Islamabad today on a three-day State Visit to Pakistan (20–22 October 2026), accompanied by First Lady Madam Sajidha Mohamed and a high-level delegation comprising Cabinet Ministers and senior… pic.twitter.com/QqnNQXX9ha
— Ministry of Foreign Affairs – Pakistan (@ForeignOfficePk) October 20, 2026
مالدیپ کے صدارتی دفتر کے بیان کے مطابق صدر معیزو کو ایئرپورٹ پر شاندار استقبال دیا گیا اور 21 توپوں کی سلامی پیش کی گئی۔
یہ 11 سال بعد کسی مالدیپ کے صدر کا پہلا دورہ پاکستان ہے اور یہ دورہ دونوں ممالک کے درمیان سنہ 1966 میں سفارتی تعلقات کے قیام کی 60 ویں سالگرہ کے موقع پر ہو رہا ہے۔
صدر معیزو کے ہمراہ خاتون اول ساجدہ محمد اور کابینہ کے وزرا اور سینیئر حکام پر مشتمل اعلیٰ سطحی وفد بھی پاکستان آیا ہے۔ انہیں بدھ کے روز وزیراعظم ہاؤس میں باضابطہ استقبال دیا جائے گا۔
I am honoured to arrive in Islamabad for my first State Visit to the Islamic Republic of Pakistan, accompanied by my wife and delegation.
I extend my sincere appreciation to the Government and the brotherly people of Pakistan for the exceptional warmth and distinguished… pic.twitter.com/i0n0nq9cqk
— Dr Mohamed Muizzu (@MMuizzu) October 20, 2026
اس سے قبل مالدیپ کے وزیر خارجہ، کابینہ کے وزرا اور سینئر حکام کے ہمراہ اسلام آباد پہنچے تھے جن کا استقبال ترجمان دفتر خارجہ، ڈائریکٹر جنرل جنوبی ایشیا اور سارک مالدیپ میں پاکستان کے ہائی کمشنر اور پاکستان میں مالدیپ کے ہائی کمشنر نے کیا۔
Foreign Minister of the Republic of Maldives, H.E. Iruthisham Adam, accompanied by Cabinet Ministers and senior officials, arrived in Islamabad this morning ahead of the State Visit of H.E. Dr. Mohamed Muizzu, President of the Republic of Maldives, who is scheduled to arrive… pic.twitter.com/bfYzC3oTa2
— Ministry of Foreign Affairs – Pakistan (@ForeignOfficePk) October 20, 2026
صدر معیزو صدر زرداری اور وزیراعظم سے ملاقاتیں کریں گے
دفتر خارجہ کے مطابق دورے کے دوران صدر معیزو صدر آصف علی زرداری سے ملاقات کریں گے جو ان کے اعزاز میں ضیافت کا اہتمام کریں گے۔
مزید پڑھیے: مالدیپ کے صدر 11 سال بعد پاکستان کا دورہ کریں گے،تجارت و سرمایہ کاری بڑھانے پر اتفاق متوقع
وہ وزیراعظم شہباز شریف کے ساتھ محدود اور وفود کی سطح پر مذاکرات بھی کریں گے جس میں دو طرفہ تعلقات کے تمام پہلوؤں کا جائزہ لیا جائے گا اور تعاون بڑھانے کے مواقع پر بات ہوگی۔
مذاکرات میں تجارت، سرمایہ کاری، صحت، تعلیم، سیاحت، زراعت، دفاع، میری ٹائم سیکیورٹی، موسمیاتی تبدیلی اور عوامی رابطوں پر توجہ مرکوز کی جائے گی۔ دونوں رہنما باہمی دلچسپی کے علاقائی اور عالمی امور پر بھی تبادلہ خیال کریں گے۔
🔊 PR No. 2️⃣9️⃣3️⃣/2️⃣0️⃣2️⃣6️⃣
Curtain Raiser: State Visit of the President of the Republic of Maldives to Pakistan (20–22 October 2026)
🔗⬇️ pic.twitter.com/PFyq2utlPB
— Ministry of Foreign Affairs – Pakistan (@ForeignOfficePk) October 18, 2026
دورے کے دوران ایک بزنس فورم کا انعقاد بھی کیا جائے گا تاکہ دونوں ممالک کی کاروباری برادری کے درمیان رابطے مضبوط ہوں اور تجارت و سرمایہ کاری کے نئے مواقع تلاش کیے جا سکیں۔
مزید پڑھیں: فیلڈ مارشل عاصم منیر سے مالدیپ کی پارلیمنٹ کے اسپیکر کی ملاقات، دوطرفہ امور پر تبادلہ خیال
دفتر خارجہ نے کہا کہ دونوں ممالک کے درمیان مشترکہ عقیدے، باہمی احترام اور دیرینہ خیر سگالی پر مبنی گرمجوش اور خوشگوار تعلقات ہیں اور یہ دورہ دونوں ممالک کے عوام کے باہمی فائدے کے لیے دوطرفہ شراکت داری کو مزید مضبوط بنانے کے عزم کا عکاس ہے۔
