امریکا کے سان ڈیاگو چڑیا گھر نے عالمی یومِ کاہلی کے موقع پر 2 انگلیوں والے لینیئس نسل کے ایک ننھے جانور کی پیدائش کا اعلان کیا ہے۔ بچے کی پیدائش 16 اگست کو ہوئی تھی اور اس کی ماں کا نام ’زینا‘ ہے۔ بچے کی جنس تاحال ظاہر نہیں کی گئی۔
چڑیا گھر کے مطابق سیاح ماں اور بچے کو وائلڈ لائف ایکسپلوررز بیس کیمپ کے ریڈی پریزنٹیشن ایریا سمیت چڑیا گھر کے بعض دوسرے حصوں میں بھی دیکھ سکتے ہیں۔
Happy International Sloth Day to Moe, Lightning and Juno! 🦥
The Cincinnati Zoo & Botanical Garden supports The Sloth Institute, an organization dedicated to the research, education, rescue, rehabilitation, and release of sloths. pic.twitter.com/i2NvNK0fpZ
— Cincinnati Zoo (@CincinnatiZoo) October 20, 2026
چڑیا گھر کی انتظامیہ کا کہنا ہے کہ کاہلی کے بچے عموماً اپنی ماں کے جسم سے چمٹے رہتے ہیں اور زندگی کے ابتدائی 6 ماہ تک اس کے قریب رہتے ہیں۔ درختوں پر حرکت کرتے ہوئے ماں اکثر اپنی رفتار کم کرتی اور اپنی پوزیشن تبدیل کرتی ہے تاکہ بچہ آرام دہ حالت میں رہے۔
لینیئس نسل کی 2 انگلیوں والا یہ سست جانور جنوبی امریکا کے استوائی اور بادلوں سے ڈھکے جنگلات میں درختوں پر رہتا ہے۔ اس کی خوراک میں زیادہ تر پتے، تنے، کونپلیں اور کچھ پھل شامل ہوتے ہیں، جنہیں یہ جانور آہستہ ہضم کرتا ہے۔
یہ بھی پڑھیں:یونان: 3 نایاب ’سماٹرا‘ ٹائیگرز کی پیدائش، ’دی اوڈیسی‘ کے کرداروں پر نام رکھنے کی توقع
عالمی یومِ کاہلی ہر سال 20 اکتوبر کو منایا جاتا ہے۔ اس دن کا آغاز 2010 میں جانوروں کے تحفظ کے لیے کام کرنے والی تنظیم ’ایوناو‘ نے کیا تھا۔
