وزیراعظم شہباز شریف نے کہا ہے کہ پرائم منسٹرز یوتھ کروم بکس اسکیم کے تحت 2 سال میں ملک بھر کے قابل اور محنتی طلبہ و طالبات میں 5 لاکھ کروم بکس تقسیم کی جائیں گی۔ ان آلات کے ذریعے طلبہ گھر بیٹھے آن لائن تعلیم جاری رکھنے اور ای لائبریریوں سے استفادہ کرنے کے ساتھ دنیا میں کہیں سے بھی علم حاصل کرسکیں گے۔
کورونا کے زمانے میں دیے گئے لیپ ٹاپس ناصرف تعلیم بلکہ روزگار کے حصول میں بھی انتہائی کارآمد ثابت ہوئے جن سے طلباء ڈاکٹرز اور انجینیئرز بنے۔
جب اپنا قافلہ عزم و یقیں سے نکلے گا
جہاں سے چاہیں گے رستہ وہیں سے نکلے گا
وطن کی مٹی مجھے ایڑیاں رگڑنے دے
مجھے یقیں ہے چشمہ یہیں سے نکلے… pic.twitter.com/JDIywCLdhX— Prime Minister's Office (@PakPMO) October 25, 2026
پرائم منسٹرز یوتھ کروم بکس اسکیم کی افتتاحی تقریب سے خطاب کرتے ہوئے وزیراعظم نے کہا کہ کروم بکس کی تقسیم صرف قابلیت اور محنت کی بنیاد پر کی جارہی ہے۔ انہوں نے منصوبے کے لیے عطیہ دینے پر ٹوکیو کیئر فاؤنڈیشن کے بانی راشد منہاس کا شکریہ بھی ادا کیا۔
شہباز شریف نے کہا کہ ماضی میں مسلم لیگ ن نے نواز شریف کی قیادت میں میرٹ اور محنت کی بنیاد پر ملک بھر میں 6 لاکھ لیپ ٹاپ تقسیم کیے۔ اس پروگرام میں پنجاب، سندھ، بلوچستان، خیبر پختونخوا، گلگت بلتستان اور آزاد کشمیر کے طلبہ شامل تھے۔
یہ بھی پڑھیں:وزیراعظم لیپ ٹاپ اسکیم میں بڑا اسکینڈل، 1011 لیپ ٹاپ غائب ہوگئے
وزیراعظم نے بتایا کہ چند روز قبل اسلام آباد میں دانش اسکول کا افتتاح کیا گیا، جبکہ اس وقت ملک بھر میں 27 دانش اسکول زیر تعمیر ہیں۔ ان کے مطابق ان اسکولوں میں معیاری تعلیم، بہترین اساتذہ، کلاس رومز میں اسمارٹ بورڈز اور ای لائبریریوں کی سہولت فراہم کی جائے گی۔
چند دن پہلے اسلام آباد میں دانش سکول کا افتتاح کیا گیا اور اس وقت پورے پاکستان میں 27 دانش سکول زیرِ تعمیر ہیں۔
یہ سکول پڑھائی کے معیار، بہترین اساتذہ، کلاس روم میں سمارٹ بورڈز اور ای-لائبریریز کے لحاظ سے پورے پاکستان میں ممتاز ہوں گے۔
~ وزیراعظم محمد شہباز شریف کا پرائم… pic.twitter.com/qp7hjQsQwD
— Prime Minister's Office (@PakPMO) October 25, 2026
انہوں نے کہا کہ حکومت تعلیم کے معیار کو بہتر بنانے اور طلبہ کو جدید ٹیکنالوجی سے جوڑنے کے لیے اقدامات کررہی ہے۔ کروم بکس اسکیم کا مقصد مستحق اور باصلاحیت طلبہ کو تعلیمی مواقع فراہم کرنا اور انہیں جدید ذرائع سے سیکھنے میں مدد دینا ہے۔
