انسٹاگرام نے مختصر ویڈیوز کے بعد اب طویل دورانیے کی ویڈیوز کے لیے بھی نیا فیچر متعارف کرانے کا اعلان کردیا ہے، جس کے تحت منتخب صارفین اور کریئیٹرز 90 منٹ تک کی افقی ویڈیوز پوسٹ کرسکیں گے۔
انسٹاگرام کے سربراہ ایڈم موسیری نے اس نئے فیچر کا اعلان پلیٹ فارم کی نائب صدر برائے مصنوعات ٹیسا لیونز کے ساتھ شیئر کی گئی 6 منٹ کی ویڈیو کے ذریعے کیا۔
یہ بھی پڑھیں: انسٹا گرام سے فائدہ کیسے اٹھائیں؟
اس فیچر کا نام ’فیچرز‘ رکھا گیا ہے، جس کا مقصد پوڈکاسٹرز، کامیڈی کریئیٹرز اور طویل دورانیے کا مواد تیار کرنے والے دیگر افراد کو اپنی ویڈیوز شیئر کرنے کا موقع فراہم کرنا ہے۔
یہ فیچر ابتدائی طور پر امریکا کے بعض کریئیٹرز کے لیے متعارف کرایا گیا ہے، ٹیسا لیونز کے مطابق انسٹاگرام پر تخلیقی مواد کے ذریعے لوگوں کو جوڑنا بنیادی مقصد ہے، جبکہ تخلیقی صلاحیتوں کا اظہار صرف مختصر ویڈیوز یا تصاویر پر مشتمل پوسٹس تک محدود نہیں۔
Instagram tests 90-minute 'Features' videos in the U.S.
The horizontal format supports videos up to 90 minutes.
It is being tested with select creators in the U.S.
Hey @grok, is Reels dead now that Instagram bets on 90-minute Features videos? Yes or no first. pic.twitter.com/Eu5nGtnFBv
— WW3 SOON (@Web3__Youth) October 27, 2026
نئے فیچر کے تحت طویل ویڈیوز کے ساتھ مختصر پروموشنل کلپس بھی شیئر کیے جاسکیں گے، جو انسٹاگرام ریلز کی صورت میں دکھائی دیں گے۔
صارفین ان مختصر کلپس پر کلک کرکے متعلقہ مکمل ویڈیو بھی دیکھ سکیں گے، اس طرح پوڈکاسٹس اور دیگر طویل ویڈیوز بنانے والے کریئیٹرز اپنی مختصر ریلز کے ذریعے ناظرین کو مکمل مواد تک رسائی دے سکیں گے۔
انسٹاگرام نے ویڈیو مواد کے حوالے سے ایک اور فیچر سیریز متعارف کرانے کا بھی اعلان کیا ہے، جس کے ذریعے متعدد اقساط پر مشتمل ویڈیوز شیئر کی جاسکیں گی۔
مزید پڑھیں: بھارت کی درخواست پر وزیر دفاع خواجہ آصف کا انسٹا گرام اکاؤنٹ بلاک
یہ فیچر امریکا، بھارت اور میکسیکو کے بعض کریئیٹرز کے لیے متعارف کرایا گیا ہے، جبکہ مستقبل میں اسے مزید ممالک تک توسیع دینے کا امکان ہے۔
اس کے علاوہ انسٹاگرام اپنے لائیو اسٹریمز کو بھی ریلز فیڈ میں شامل کرنے کی تیاری کررہا ہے، اس تبدیلی کے نتیجے میں لائیو نشریات ایسے صارفین کو بھی تجویز کی جاسکیں گی جو متعلقہ اکاؤنٹس کو فالو نہیں کرتے۔
انسٹاگرام نے اپنی ٹی وی سروس کو بھی وسعت دینے کا فیصلہ کیا ہے، جس کے تحت انسٹاگرام فار ٹی وی ایپل ٹی وی پر بھی دستیاب ہوگی۔
مزید پڑھیں: میٹا نے فیس بک، انسٹا گرام صارفین کو سب سے بڑی سہولت مفت فراہم کردی
اس سے قبل یہ سروس سام سنگ اور ایمازون فائر ٹی وی پر متعارف کرائی جاچکی ہے، مستقبل میں صارفین اپنے موبائل فون کو ٹی وی کے ریموٹ کنٹرول کے طور پر استعمال کرنے کے علاوہ یہ بھی دیکھ سکیں گے کہ ان کے دوست ٹی وی پر کون سا مواد دیکھ رہے ہیں۔
انسٹاگرام کی ان نئی تبدیلیوں کا مقصد طویل ویڈیو مواد کے لیے مزید مواقع پیدا کرنا، کریئیٹرز کو اپنے ناظرین تک بہتر رسائی دینا اور پلیٹ فارم پر ویڈیوز دیکھنے کے تجربے کو مزید وسعت دینا ہے۔
