پاکستان کرکٹ ٹیم کے سابق کپتان اور وکٹ کیپربیٹر کامران اکمل نے بین الاقوامی کرکٹ سے ریٹائرمنٹ کا اعلان کردیا ہے ۔
ریٹائرمنٹ کا اعلان کرتے ہوئے کامران اکمل نے کہا کہ اب وہ بین الاقوامی کرکٹ کے کسی بھی فارمیٹ میں حصہ نہیں لیں گے تاہم امریکہ اور آسٹریلیا میں لیگ کھیلتے رہیں گے۔
انہوں نے کہا کہ ہر کھلاڑی کو ایک نہ ایک دن کھیل چھوڑنا ہی ہوتا ہے، کرکٹ بورڈ کی جانب سے جونیئر سلیکشن کمیٹی کے چیئرمین کی ذمہ داریاں ملنے کے بعد ان کے
لیے کرکٹ کھیلنا ممکن نہیں رہا ہے ۔
2002میں کیریئر کا آغاز کرنے والے کامران اکمل نے اب تک 53 ٹیسٹ ، 157 ون ڈے انٹرنیشنل اور 58 ٹی 20 انٹرنیشنل میچز میں پاکستان کی نمائندگی کی۔
