وزیر اعظم شہباز شریف کو ان کی بنگلہ دیشی ہم منصب شیخ حسینہ کی جانب سے آم کا تحفہ بھجوایا گیا ہے۔
اسلام آباد میں بنگلہ دیشی ہائی کمیشن نے 1,500 کلو آم پاکستان کی وزارت خارجہ کے ایک پروٹوکول افسر کے حوالے کردیے۔
پاکستان میں بنگلہ دیش کے ہائی کمشنر محمد روح العالم صدیق نے کہا کہ یہ تحفہ ’دونوں برادر ممالک کے درمیان سفارتی تعلقات میں ایک نئی جہت کا اضافہ کرے گا اور باہمی دوطرفہ تعلقات کو مزید فروغ دے گا۔‘
حالیہ برسوں میں بھارت کے جنوبی ایشیائی خطے میں ہمسایہ ممالک کے ساتھ تعلقات خراب ہوتے جا رہے ہیں جس کے بعد پاکستان اور بنگلہ دیش دونوں نے سفارتی، اقتصادی اور ثقافتی تعلقات بہتر کرنے کی ضرورت پر زور دیا ہے جس سے خطے میں تناؤ ختم کرنے میں مدد ملنے کی قوی امید ہے۔
