شہرہ آفاق فٹ بالر کرسٹیانو رونالڈو نے لیگ کیریئر میں 500 گولز مکمل کرکے ایک اور سنگ ميل عبور کر ليا۔ سعودی پرولیگ میں النصر کلب نے الوہدہ کلب کو 0-4 گول سے شکست دی۔ النصر کلب کی طرف سے چاروں گول 38 سالہ کرسٹیانو رونالڈو نے کیے ۔
کرسٹیانو رونالڈو نے ٹوئٹر پر میچ کی تصاویر شیئر کی ہیں۔ ساتھ پیغام میں لکھا جیت کے ساتھ لیگ میں 500 گولز مکمل ہونے کا احساس ہی کچھ اور ہے ۔
Great feeling to have scored 4 goals and reaching my 500th league goal in a very solid win by the team!💪🏼
⚽️⚽️⚽️⚽️ pic.twitter.com/o2ZfV6fYBu— Cristiano Ronaldo (@Cristiano) February 9, 2023
کہا لیگ کیریئر کے 500 گول کا سنگ میل عبور کرنے پر وہ بہت خوش ہیں۔ پرتگال کے کپتان کرسٹیانو رونالڈو نے کلب لیگ میں مجموعی طور پر 503 گول سکور کیے ہیں ۔
کرسٹیانو رونالڈو نے گزشتہ برس دسمبر میں النصر کلب میں شمولیت اختیار کی تھی ۔ گزشتہ برس نومبر میں ہی مانچسٹر یونائیٹڈ فٹ بال کلب چھوڑا تھا ۔رونالڈو نے ریئل میڈرڈ کے لیے لا لیگا میں 311 گول سکور کئے تھے۔
