بالی وڈ کنگ شاہ رخ خان کیلئے ’پٹھان‘ گڈ لک فلم ثابت ہوئی ہے جس نے کئی ریکارڈ توڑتے ہوئے اب تک 900 کروڑ کی بڑی کمائی کر لی ہے اور 1000 کروڑ سے چند قدم دور ہے۔
بھارتی اخبار انڈین ایکسپریس کے مطابق شاہ رخ خان ان دنوں خوشی سے پھولے نہیں سما رہے کیونکہ ان کی نئی فلم’پٹھان‘ تنازعات کے باوجود کامیابی کے جھنڈے گاڑ رہی ہے، فلم نے 18 روز میں 930 کروڑ کا کاروبار کر لیا جبکہ 1000 کروڑ کی ریس میں شامل ہونے سے چند قدم دور ہے۔
بھارتی میڈیا کے مطابق فلم اتوار تک 950 کروڑ بھارتی روپیہ کمانے میں کامیاب ہو جائے گی۔
فلمی مبصرین متفق ہیں کہ فلم آئندہ دنوں میں بھارت کی سب سے زیادہ کمانے والی فلم بن سکتی ہے۔ فلمی پنڈتوں نے پہلے ہی فلم کے لیے 1000 کروڑ کمائی کی پیش گوئی کی تھی۔
