ساتویں ڈیجیٹل خانہ و مردم شماری، کراچی کی آبادی میں اضافہ

ساتویں ڈیجیٹل خانہ و مردم شماری کے کراچی، حیدر آباد، لاڑکانہ، بینظیر آباد اور سکھر ڈویژن کے سرکاری نتائج جاری کر دیے گئے اور کراچی کی آبادی میں 43 لاکھ 57 ہزار 9 سو 87 افراد کا اضافہ سامنے آیا ہے۔

کراچی ڈویژن کی آبادی

ساتویں ڈیجیٹل خانہ و مردم شماری کے سرکاری نتائج کے مطابق کراچی ڈویژن کی آبادی 2 کروڑ 3 لاکھ 82 ہزار 8 سو 81 نفوس پر مشتمل ہے، کراچی ڈویژن کی آبادی میں 5 سال کے دوران 43 لاکھ 57 ہزار 9 سو 87 افراد کا اضافہ ہوا ہے۔

حیدر آباد ڈویژن کی آبادی

2023 کی مردم شماری کے مطابق حیدرآباد ڈویژن کی آبادی 1 کروڑ 16 لاکھ 59 ہزار 2 سو 46 افراد پر مشتمل ہے۔

لاڑکانہ ڈویژن کی آبادی

لاڑکانہ ڈویژن کی آبادی 2023 کی مردم شماری کے مطابق 70 لاکھ 93 ہزار 7 سو 6 نفوس پر مشتمل ہے۔

میرپورخاص ڈویژن کی آبادی

ڈیجیٹل خانہ و مردم شماری کے مطابق میرپورخاص ڈویژن کی آبادی 46 لاکھ 19 ہزار 6 سو 24 ہے۔

شہید بینظیر آباد ڈویژن کی آبادی

نتائج میں بتایا گیا ہے کہ شہید بینظیر آباد ڈویژن کی آبادی 59 لاکھ 30 ہزار 5 سو 49 نفوس پر مشتمل ہے۔

سکھر ڈویژن کی آبادی

سرکاری نتائج کے مطابق سکھر ڈویژن کی آبادی  60 لاکھ 10 ہزار 41 شہریوں ہے۔