پاکستان تحریک انصاف بلوچستان کی صوبائی کابینہ میں نئی تقرریاں کی گئی ہیں، پارٹی نے مختلف عہدوں پر 19 نئے اراکین مقرر کر دیے۔
ڈاکٹر منیر بلوچ کو پاکستان تحریک انصاف بلوچستان کا صدر جبکہ سالار خان ککڑ کو جنرل سیکریٹری مقرر کر دیا گیا ہے۔
سید ظہور آغا، عبد الباری اور مالک نصیب اللہ کو پی ٹی آئی بلوچستان کے سینیئر نائب صدور کی ذمہ داریاں دی گئی ہیں۔
گودا خان حجوانی، میر علی آغا، عمران حسین ہزارہ کو نائب صدر بنا دیا گیا ہے جبکہ عالم خان ککڑ کو ایڈیشنل سیکریٹری جنرل کا عہدہ دیا گیا ہے۔
اس کے علاوہ نور خان خیلجی، رئیس عبدالرحمان، حافظ نواب بلوچ اور پیر بخش جموٹ صوبائی ڈپٹی جنرل سیکریٹری کی ذمہ داریاں نبھائیں گے۔
نواب خان دمر، رحیم آغا، عبداللہ جان موسیٰ خیل کو بھی ڈپٹی جنرل سیکرٹری بنا دیا گیا ہے۔ جبکہ سردار حسین شاہ شیرازی کو سیکریٹری اطلاعات کا عہدہ دیا گیا ہے۔
عزیز خان ڈپٹی سیکریٹری اطلاعات جبکہ سید اقبال شاہ کو سیکرٹری لیگل افیئرز کا عہدہ دیا گیا ہے۔
مرکزی سیکریٹری جنرل پاکستان تحریک انصاف عمر ایوب کے دستخط سے باقاعدہ نوٹیفکیشن جاری کردیا گیا۔
