خیبر پختونخوا کے مختلف علاقوں بشمول ضم شدہ اضلاع میں جشن آزادی کی مناسبت سے تقریبات کا سلسلہ بدستور جاری ہے، عوام کی بڑی تعداد جشن آزادی کی تقریبات میں شامل ہو کر حب الوطنی کا اظہار ایک نئے ولولے کے ساتھ کر رہے ہیں، اسکولوں میں خصوصی تقریبات تقاریری مقابلوں کا انعقاد کیا جارہا ہے۔
جشن آزادی کے سلسلے میں پشاور، شمالی وزیرستان، جنوبی وزیرستان، کوہاٹ، باجوڑ، مہمند، خیبر، سوات، دیر، اورکزئ اور چترال میں کھیلوں سمیت ریلیاں نکالی گئیں اور دیگر تقریبات کا انعقاد کیا گیا جس میں عوام نے بھرپور شرکت کی۔
مزید پڑھیں
بزرگوں، نوجوانوں اور خصوصاً بچوں کی بڑی تعداد جشن آزادی کے لیے جوش و خروش سے تیاریاں کررہے ہیں، اسکولوں اور کالجوں میں خصوصی تقریبات کا اہتمام جاری ہے، اسی طرح طلباء اور طالبات سبز ہلالی پرچم ہاتھوں میں تھامے ریلیوں میں شریک ہو رہے ہیں۔
عوام کی جانب سے قومی پرچم لہرانے کے ساتھ ساتھ مختلف علاقوں میں پرچم تقسیم بھی کیے جا رہے ہیں۔
