چیف جسٹس لاہور ہائیکورٹ محمد امیر بھٹی نے صوبہ بھر سے متعدد اضلاع کے سیشن ججز کو تبدیل کردیا، رجسٹرار لاہور ہائیکورٹ عرفان احمد سعید سمیت 53 ڈسٹرکٹ اینڈ سیشن ججز کے تبادلوں کا نوٹیفکیشن جاری کر دیا گیا ہے۔
لاہور ہائیکورٹ نے عرفان احمد سعید کو ڈسٹرکٹ اینڈ سیشن جج ملتان تعینات کرنے کے احکامات جاری کیے، ڈسٹرکٹ اینڈ سیشن جج لاہور کو بھی تبدیل کر دیا گیا۔
نوٹیفیکیشن میں درج تفصیلات کے مطابق ڈسٹرکٹ اینڈ سیشن جج فیصل آباد شیخ خالد بشیر کو رجسٹرار لاہور ہائیکورٹ تعینات کردیا گیا۔
مزید پڑھیں
سیشن جج قیصر نذیر بٹ کو ڈسٹرکٹ اینڈ سیشن جج لاہورجبکہ سیشن جج محمد تنویر اکبر کو بطور ڈی جی جوڈیشل اینڈ کیس مینجمنٹ لاہور ہائیکورٹ تعیناتی کے احکامات جاری کر دیے گئے۔
ڈسٹرکٹ اینڈ سیشن جج ملتان محمد اکمل خان کو سرگودھا تعینات کردیا گیا۔
نوٹیفکیشن کےمطابق ڈسٹرکٹ اینڈ سیشن جج سیالکوٹ جزیلہ اسلم کو بطور اوکاڑہ تعینات کرنے کے احکامات جاری کردیے گئے۔
