کراچی میں ایس ایس پی اینٹی وہیکل لفٹنگ سیل (اے وی ایل سی) کے دفتر کی چھت گرگئی ہے، جس کے نتیجے میں ایس ایس پی اور ڈی ایس پی ایڈمن ملبے تلے دب کر زخمی ہوگئے۔
ایس ایس پی اینٹی وہیکل لفٹنگ سیل (اے وی ایل سی) عبدالرحیم شیرازی اور ڈی ایس پی ایڈمن کمبو خان مری کو اسپتال منتقل کر دیا گیا ہے۔
واقعے کی اطلاع ملتے ہی ریسکیو کی ٹیمیں فوری جائے حادثہ پر پہنچ گئیں اور ایس ایس پی اے وی ایل سی، ڈی ایس پی ایڈمن کو آغا خان اسپتال منتقل کیا جہاں ان کو طبی امداد دی جا رہی ہے۔
ڈی آئی جی شرجیل کھرل نے میڈیا کو بتایا ہے کہ ایس ایس پی عبدالرحیم شیرازی اور ڈی ایس پی کمبو خان مری کو طبی امداد دی جا رہی ہے، دونوں کی حالت خطرے سے باہر ہے۔
