ایشیا کپ کرکٹ ٹورنامنٹ میں بھارت کے خلاف اپنا میچ کھیلنے سری لنکا جانے والی قومی کرکٹ ٹیم واپس لاہور پہنچ گئی ہے۔ ’بھارتی ٹیم کے پاکستان آ کر نہ کھیلنے کی وجہ سے کھلاڑیوں کو اس مشکل سے گزرنا پڑ رہا ہے‘۔
ترجمان پی سی بی کے مطابق ایشیا کپ کرکٹ ٹورنامنٹ میں بھارت کے خلاف میچ کھیلنے کے بعد پاکستان کرکٹ ٹیم کولمبو سے چارٹرڈ فلائٹ کے ذریعے لاہور پہنچی ہے۔
کھلاڑی کل منگل کو ایل سی سی اے گراؤنڈ میں ٹریننگ کر یں گے، جبکہ قومی ٹیم بدھ کو سپر فور مرحلے کا میچ کھیلے گی۔
اس سے قبل پاکستان نے ایشیا کپ میں فاتحانہ آغاز کرتے ہوئے نیپال کو شکست دی تھی، اس کے بعد دوسرے میچ میں بھارت سے آمنا سامنا ہوا مگر میچ بارش کی نذر ہو گیا، اس وقت پوائنٹس ٹیبل پر 3 پوائنٹس کے ساتھ قومی ٹیم پہلے نمبر پر موجود ہے۔
