وزیراعظم شہباز شریف نے کہا ہے کہ پاکستان پہلا ملک ہے جو ترکیہ میں بدترین زلزلے کے بعد مدد کو پہنچا، ترکیہ سانحے میں 30 ہزار سے زائد افراد جاں بحق ہو چکے ہیں۔
ترک نشریاتی ادارے ’انادولو نیوز‘ کو انٹرویو دیتے ہوئے وزیراعظم شہباز شریف نے کہا ہے کہ اب تک 500 ٹن سے زائد امدادی اشیا ترکیہ پہنچا چکے ہیں جس میں خیمے ، کمبل اور دیگر اشیا شامل ہیں۔ پاکستانی وزرا اور اراکین پارلیمنٹ نے ایک ایک ماہ کی تنخواہ ترک بھائیوں کو عطیہ کی۔ صدر طیب اردگان کی اہلیہ امینہ نے سیلاب متاثرین کیلئے اپنے کنگن عطیہ کئے۔
Prime Minister @CMShehbaz interview to Anadolu News Agency Turkiye @PakPMO https://t.co/ibEkydWenH
— APP 🇵🇰 (@appcsocialmedia) February 18, 2023
وزیر اعظم شہباز شریف نے کہا کہ انسانیت کی بھلائی سے بڑا کوئی کام نہیں۔ تباہ کن جانی و مالی نقصان پر ازحد افسردہ ہیں، ترکیہ حکومت، عوام اور اپنی ذات سے ترکیہ کے متاثرہ خاندانوں سے تعزیت کرتا ہوں، کاش ہم کسی خوشی کے موقع پر آئے ہوتے۔
انہوں نے کہا کہ ترکی میں آخری شہر کی بحالی تک چین سے نہیں بیٹھوں گا،ہمیں یقین ہے ترک حکومت اور عوام جلد مشکل سے نکل جائیں گے۔