سعودی وزارت حج وعمر نے خواتین زائرین عمرہ کے لیے نیا ڈریس کوڈ جاری کر دیا، جس کے مطابق پوری دنیا سے عمرہ کے لیے آنے والی خواتین اپنی پسند کا کوئی بھی لباس پہن سکتی ہیں لیکن اس کے لیے 3 ضابطوں کا خیال رکھنا ہر حال میں ضروری ہوگا۔
وزارت حج کے مطابق عمرے کے لیے آئی خواتین کا لباس غیر آرائشی اور ڈھیلا ہونا چاہیے جو جسم کے کسی بھی حصے کو ظاہر نہ کرے۔
سعودی وزارت کا کہنا ہے کہ عمرہ زائرین خواتین عمرے کے لیے مسجد الحرام آتے وقت ایسا کوئی بھی لباس پہن سکتی ہیں جو مذکورہ تینوں ضوابط پر پورا اترے۔
مزید پڑھیں
وزارت داخلہ نے سوشل میڈیا پلیٹ فارم ایکس پر ڈریس کوڈ شیئر کرتے ہوئے لکھا کہ مقدس لباس کے دائرے میں عمرہ کا سفر کرنے والی خواتین کے لیے احرام اور روایتی لباس کے درمیان فرق واضح ہو جاتا ہے۔
In the realm of sacred attire, the distinction between an Ihram and the customary costume for women undertaking the journey of Umrah becomes clear.#Makkah_in_Our_Hearts pic.twitter.com/DNVj1j8it7
— Ministry of Hajj and Umrah (@MoHU_En) September 12, 2023
وزارت داخلہ کے مطابق خواتین کو حج یا عمرہ کے لیے اپنی پسند کا کوئی بھی لباس پہننے کی اجازت ہے بشرطیکہ مندرجہ ذیل شرائط پوری ہونا ضروری ہیں۔
کپڑے چوڑے اور ڈھیلے ہونے چاہیئیں، اس میں کوئی آرائشی عناصر نہیں ہونا چاہیے، لباس سے مکمل جسم ڈھانپا ہو اور کوئی بھی حصہ ظاہر نہیں ہونا چاہیے۔
یاد رہے کہ عمرے کے لیے مرد زائرین کے لیے 2 چادروں پر مشتمل بغیر سلا احرام پہننا لازم ہے تاہم خواتین کے لیے ان کا سلا ہوا لباس ہی احرام ہوتا ہے۔
واضح رہے حال ہی میں سعودی عرب نے اس مذہبی سفر کو عالمی زائرین کے لیے زیادہ قابل رسائی بنانے کے لیے متعدد سہولیات متعارف کرائی ہیں۔ ان میں سے ایک یہ ہے کہ عمرہ ویزا میں 30 سے 90 دن کی توسیع کی گئی ہے۔
