برطانوی اخبار نے دعویٰ کیا ہے کہ چیئرمین تحریک انصاف عمران خان سیتا وائٹ کیس میں 5سال کے لئے نااہل ہوسکتے ہیں۔
برطانوی اخبار ڈیلی میل کی ایک رپورٹ میں کہا گیا ہے کہ سابق وزیراعظم عمران خان ٹیریان وائٹ کیس میں اس وقت اپنے سیاسی کیئریرکو بچانے کی جنگ لڑرہے ہیں۔2018کے الیکشن میں اپنے کاغذات نامزدگی میں عمران خان نے بیٹی ٹیریان کا نہیں لکھا تھااور جمائما خان سے اپنے دو بیٹے ہی ظاہر کیے تھے۔
برطانوی اخبار کا کہنا تھا کہ عمران خان نے یہ نہیں بتایا کہ 27سالہ ٹیریان سیتاوائٹ سے ان کی ایک بیٹی ہے۔جب کہ پاکستانی قوانین کے مطابق امیدوار کو کاغذات نامزدگی میں اپنے بیوی بچوں کا بتانا ہوتا ہے۔ اگر عمران خان پر الزام ثابت ہو گیا تو وہ 5 سال کے لیے نااہل ہوسکتے ہیں۔
برطانوی اخبار نے اپنی رپورٹ میں مزید لکھا ہے کہ عمران خان کی سیٹا وائٹ سے ملاقات 1980 میں لندن میں ہوئی، تھی اور بیٹی کے حوالے سے لاس انجلس کورٹ نے 1997 میں فیصلہ سنادیا تھا۔
