اینٹی نارکوٹکس فورس (اے این ایف) نے کراچی سے کنٹینر میں سبزیوں اور پھلوں کی آڑ میں بیرون ملک منشیات اسمگلنگ کی کوشش ناکام بنا دی۔ ترجمان اے این ایف کے مطابق دوحا کے لیے بک کیے گئے کنٹینر سے 3 من سے زائد چرس برآمد کی گئی ہے، تلاشی لینے پر پیاز سے بھرے کنٹینر میں چھپائی گئی 125 کلوگرام چرس برآمد کر لی گئی۔
ترجمان نے بتایا کہ پیاز کنٹینر میں حیدر آباد سے دوحا کے لیے بک کرائے گئے تھے، برآمدہ چرس کو مہارت کے ساتھ پیاز کی جھلیوں میں چھپایا گیا تھا۔
ترجمان اے این ایف کا کہنا ہے کہ کنٹینر کراچی کی نجی کمپنی کی جانب سے قطر کے لیے بک کیا گیا تھا، منشیات قبضے میں لےکر ملوث ملزمان کی تلاش شروع کر دی گئی ہے۔
