پشاور الیکٹرک سپلائی کمپنی کا بجلی چوروں کے خلاف کریک ڈاؤن جاری ہے، بجلی چورو ں پر 2705 سے زائد مقدمات درج جبکہ 851 افراد کو گرفتار کر لیا گیا ہے۔
ترجمان پیسکو کے مطابق خیبرپختونخوا میں بجلی چوری کے خلاف کریک ڈاؤن کامیابی سے جاری ہے، اب تک صوبے بھر میں 8455 سے زائد کنڈے ہٹائے گئے ہیں۔
مزید پڑھیں
کریک ڈاؤن کے دوران صوبہ بھر میں بجلی چوروں پر 2705 سے زائد مقدمات درج کیے گئے اور 851 افراد کو گرفتار کو حراست میں لیا گیا۔
پشاور سرکل میں 1623، مردان سرکل میں 1745 کنڈے اور غیر قانونی کنکشنز اتارے جا چکے ہیں، خیبر سرکل 1015، سوات سرکل میں 939، ڈی اسماعیل خان میں 819 اور بنوں سرکل میں 779 کنڈے ہٹائے گئے۔
ترجمان پیسکو کے مطابق بجلی چوری کی مد میں 29کروڑ70لاکھ روپے سے زائد کے جرمانے عائد کیے گئے، صوبہ بھر میں 6398 سے زائد بجلی چوروں کے خلاف مقدمات درج کرنے کے لیے درخواستیں مختلف تھانوں میں جمع کروائی گئی ہیں۔
