انسانی صحت کے لیے لیموں کی افادیت اور اس کی کھانوں کا ذائقہ بڑھانے کی صلاحیت سے کوئی انکار نہیں کیا جاسکتا لیکن چند خوراک ایسی بھی ہیں جن کے ساتھ اس مفید پھل کو ملانا صحت پر منفی اثرات کا سبب بن سکتا ہے۔
لیموں وٹامن سی، اینٹی آکسیڈنٹس اور ضروری غذائی اجزاء پر مشتمل ہونے کی وجہ سے بڑے پیمانے پر استعمال کیا جاتا ہے لیکن اسے کچھ غذاؤں کے ساتھ استعمال کرنے سے گریز کرنا بہتر رہتا ہے کیوں کہ اس سے ان کھانوں کا ذائقہ متاثر ہونے کے علاوہ ہاضمے پر بھی برا اثر پڑسکتا ہے۔
آئیے جانتے ہیں کہ لیموں کو کھانے پینے کی کن اشیا کے ساتھ استعمال کرنے سے گریز کرنا چاہیے۔
دودھ
چوں کہ لیموں میں سئٹرک ایسڈ ہوتا ہے اس لیے اسے دودھ یا اس سے بنی دیگر غذاؤں کے ساتھ ملانے سے وہ ان اشیا کا ذائقہ بھی خراب کرسکتا ہے اور ساتھ ہی تیزابیت اور سینے میں جلن کا سبب بھی بن سکتا ہے۔
میٹھے پھل
لیموں کا ذائقہ تروتازہ ہوتا ہے جو تربوز اور پکی ہوئی اسٹرابیری جیسے پھلوں کی قدرتی مٹھاس پر حاوی ہوجاتا ہے۔
سبزیاں
جب لیموں کو پالک جیسی الکلائن سبزیوں پر چھڑکا جاتا ہے تو اس سے ان سبزیوں کا رنگ گہرا ہو جاتا ہے اور وہ اپنی متحرک سبز شکل کھو سکتی ہیں۔
خوشبودار مسالے
لیموں کا تیزابیت والا ذائقہ بسا اوقات کچھ تیز خوشبو والے مسالوں جیسے لونگ یا الائچی سے متصادم ہو سکتا ہے۔
