سابق وزیراعظم پاکستان اور قائد پاکستان مسلم لیگ ن نواز شریف نے کہا ہے کہ میری پہلی اور آخری ترجیح معیشت کی بحالی ہے۔ پاکستان کو معاشی میدان میں مستحکم کرنے میں سب کو اپنا کردار ادا کرنا ہو گا۔ ترقی کا سفر وہیں سے شروع ہوگا جہاں سے ختم کیا گیا تھا۔
قائد مسلم لیگ نون نواز شریف نے لندن میں اوورسیز رہنماؤں سے ملاقات میں گفتگو کرتے ہوئے کہا کہ عوام ووٹ کی طاقت سے احتساب کریں گے۔ پاکستان کو معاشی بدحالی ،مہنگائی و بے روزگاری سے نکالیں گے۔
نواز شریف کا کہنا تھا کہ اوورسیز پاکستانی سرمایہ کاری سے ملکی صنعت و انڈسٹریز کو پھر سے چلانے میں اپنا اہم کردار ادا کریں۔ پاکستان کے عوام ملک کی ترقی و خوشحالی میں رکاوٹ بننے والوں کو کبھی معاف نہیں کریں گے۔