شاہ رخ خان سچ میں سینیما کے شاہ ہیں، کرینہ کپور

بالی وڈ حسینہ کرینہ کپور نے بہت سے بڑے بڑے نامی اداکاروں کے ساتھ کام کیا ہے، لیکن ان کا ماننا ہے کہ شاہ رخ خان میں سچ میں شاہ والی یا بادشاہ والی بات ہے۔ کرینہ نے کہا کہ صرف فلمی دنیا میں نہیں بلکہ عام زندگی میں شاہ رخ سے کوئی نہیں جیت سکتا۔

کرینہ کپور نے بالی وڈ کی 3 بڑے خانز، شاہ رخ، عامرخان، اور سلمان خان کے ساتھ کام کیا ہے۔ ان کے اتنے طویل کیریئر میں کرینہ کے پاس کہنے کو بہت کچھ ہے لیکن کرینہ کے مطابق تینوں خانز کے کام کرنے کے اسٹائل میں بہت فرق ہے۔

کرینہ کپور نے عامرخان ساتھ ’تھری ایڈیٹس‘ اور ’لال سنگھ چڈھا‘ جیسی فلموں میں کام کیا ہے۔ ’تھری ایڈیٹس‘ سپر ہٹ ہوئی تھی، اور پہلی بار عامر خان اور کرینہ کپور ایک ساتھ بڑی سکرین پر نظر آئے تھے۔ دوسری فلم تھی ’لال سنگھ چڈھا‘ جو باکس آفس پر زیادہ بزنس نہیں کر سکی تھی۔ لیکن کرینہ کپور نے عامرخان کے بارے میں کہا تھا کہ جب وہ کسی فلم میں کام کرتے ہیں تو اس کا کردار بن جاتے ہیں اور اکثر سمجھنا مشکل ہوجاتا ہے کہ عامرخان کی اپنی شخصیت کہاں گئی؟

کرینہ کہتی ہیں کہ شاہ رخ کا کام کرنے کا طریقہ بالکل الگ ہے۔ شاہ رخ فلم کے سیٹ پہ صرف ایکڑ نہیں ہوتے بلکہ باقی سب کا بھی خیال رکھتے ہیں۔ لائٹ مین سے لیکر کیمرامین تک، شاہ رخ سب کی دیکھ بھال کر رہے ہوتے ہیں اور یہی ان کی سب کی بڑی خوبی ہے۔

کرینہ کپور نے کہا کہ شاہ رخ میں شاہی انداز و اطوار ہیں اور وہ صرف بالی وڈ کے نہیں بلکہ پوری دنیا کے سینیما کے بادشاہ ہیں۔ دونوں اداکار ’اشوکا‘ اور ’ڈان‘ میں کام کرچکے ہیں اور ان کی بلاک بسٹر ’کبھی خوشی، کبھی غم‘ کرینہ کی اب تک کی سب سے بڑی فلم مانی جاتی ہے۔