پاکستان اور جنوبی افریقہ کی ٹیموں کے مابین آئی سی سی مینز کرکٹ ورلڈ کپ کا 26 واں میچ آج چدم برم کرکٹ اسٹیڈیم، چنئی میں کھیلا جا رہا ہے۔ گرین شرٹس رواں ورلڈ کپ میں شکست کی ہیٹ ٹرک مکمل کر چکی ہے اور آج کے میچ میں بھی قومی ٹیم کی ابھی تک کی کارکردگی کے بعد لگتا یہی ہے کہ آج کے میچ کا نتیجہ گزشتہ 03 میچوں سے مختلف نہیں ہو گا
آج جب ٹاس ہوا تو کپتان بابر اعظم نے ٹاس جیت کر پہلے بلے بازی کا فیصلہ کیا تو یوں لگا کہ جیسے آج قسمت کی دیوی شاہینوں پر مہربان ہے لیکن جیسے ہی کھلاڑی میدان پر اترے تو ان کے قدم لڑکھڑا گئے۔
ورلڈ کپ میچز میں اب تک اچھی کارکردگی کا مظاہرہ کرنے والے عبداللہ شفیق 17 گیندوں پر 09 رنز بنا کر آؤٹ ہوئے اور ان کے جانے کے بعد وکٹیں گرنے کا سلسلہ جاری ہے۔ قومی ٹیم نے اپنی اننگز کے پہلے 30 اوورز میں ‘107 ڈاٹ گیندیں’ کھیلیں۔
پاکستانی شائقین کرکٹ کو آج کے میچ میں ٹیم سے بہت امیدیں تھیں۔ افغانستان سے اپ سیٹ شکست کے باوجود شائقین نے آج کے میچ سے قبل گرین ٹیم کا حوصلہ بڑھانے کے لیے سماجی رابطے کی ویب سائٹس پر قومی ٹیم کے نام پیغامات بھیجے لیکن جیسے ہی ٹیم لڑکھڑائی تو شائقین نے سوشل میڈیا پر قومی ٹیم کو تنقید کا نشانہ بنانا شروع کر دیا۔
اوپننگ بیٹر اور قومی ٹیم کے چیف سیلیکٹر انضمام الحق کے بھانجے امام الحق کی کارکردگی پر سب سے زیادہ تنقید کی جارہی ہے۔ وہ آج کے میچ میں 12 رنز بنا کر پویلین چلتے بنے۔
سماجی رابطے کی ویب سائٹ ایکس پر قومی ٹیم کی خراب کارکردگی اس وقت ٹاپ ٹرینڈ بن چکی ہے۔ صحافی عباس شبیر نے قومی ٹیم کے اوپننگ بیٹر امام الحق کو تنقید کا نشانہ بناتے ہوئے اپنی پوسٹ میں لکھا کہ ‘یہ ہیں امام الحق یہ بس اتنا ہی کھیلنا جانتے ہیں’۔
یہ ہے امام الحق ۔بس یہ اتنا ہی کھیلنا جانتا ہے ۔12 رنز ۔#PakistanCricket #PAKvSA pic.twitter.com/Oxfi1wifPI
— Abbas Shabbir (@Abbasshabbir72) October 27, 2023
جہانزیب نے امام الحق کی آج کی اننگز پر طنزیہ پوسٹ کرتے ہوئے لکھا کہ ‘لیجنڈ امام الحق صرف 88 رنز کے فرق سے اپنی سینچری نہ مکمل کر سکے’۔
Legend imam miss his century by just 88 runs. #PAKvSA pic.twitter.com/8Lgicafug2
— JahanZaib (@JahanZaibb_) October 27, 2023
علیشہ عمران نے بھی امام الحق کو آڑے ہاتھوں لیتے ہوئے اپنی پوسٹ میں لکھا کہ کیا امام الحق کبھی سنجیدگی کا مظاہرہ کریں گے؟ کیا وہ کبھی زمہ داری کا مظاہرہ کریں گے؟۔
Dil khol k bolo jo bolna hay for Imam ul Haq
Will he ever get serious and take responsibility??
#PAKvSA pic.twitter.com/A31eHFJOrd
— Alisha Imran (@Alishaimran111) October 27, 2023
عمران صدیق نامی ایکس صارف نے اپنی پوسٹ میں لکھا کہ ہم نے امام کو کبھی بھی بڑے میچ میں اسکور کرتے نہیں دیکھا۔ کیا ان کے لیے اب ورلڈ کپ ختم ہو جانا چاہیے؟۔
Never Seen Imam ul Haq Scores in a big Matches
is he done after the world cup? pic.twitter.com/7Nx3iAkzq2
— ٰImran Siddique (@imransiddique89) October 27, 2023
صحافی زبیر علی خان نے اپنی پوسٹ میں امام الحق کی کارکردگی پر طنز کرتے ہوئے لکھا کہ بھتیجا کبھی مایوس نہیں کرتا، ماشاء اللہ ہمیشہ بڑے میچ میں اپنے ٹیم کے کام آتا ہے۔ جب بھی بڑا میچ آتا ہے باقی ٹیم کی خامیاں اپنی پرفارمنس سے چھپا لیتا ہے۔
بھتیجا کبھی مایوس نہیں کرتا۔۔۔ ماشاء اللہ ہمیشہ بڑے میچ میں اپنے ٹیم کے کام آتا ہے۔۔۔ جب بھی بڑا میچ آتا ہے باقی ٹیم کی خامیاں اپنی پرفارمنس سے چھپا لیتا ہے۔۔۔ ان کی کارکردگی پر دو الفاظ 👇 pic.twitter.com/WqLsqDo9si
— Zubair Ali Khan (@ZubairAlikhanUN) October 27, 2023
امام الحق نے رواں ورلڈ کپ میں اب تک 06 اننگز میں 180 بالوں کا سامنا کرتے ہوئے 162 رنز بنائے ہیں۔ ان کی بیٹنگ کی اوسط 27 رنز ہے جب کا ان کا اسٹرائیک ریٹ 90 ہے ۔
