انگلینڈ کے وکٹ کیپر بیٹر جوس بٹلر نے ٹی20 کرکٹ کی تاریخ میں سب سے زیادہ رنز بنانے کا اعزاز اپنے نام کرلیا۔
دی ہنڈرڈ ٹورنامنٹ میں مانچسٹر سپر جائنٹس کی قیادت کرتے ہوئے بٹلر نے ویلش فائر کے خلاف صرف 20 گیندوں پر ناقابلِ شکست 51 رنز کی دھواں دار اننگز کھیلی، جس کی بدولت ان کی ٹیم نے 156 رنز کا ہدف باآسانی حاصل کر لیا۔
Jos is the boss 🙌 pic.twitter.com/g93E7IkiBf
— Cricinfo (@cricinfo) August 5, 2026
اس اننگز کے بعد جوس بٹلر کے ٹی20 کرکٹ میں مجموعی رنز 492 اننگز میں 14 ہزار 833 ہو گئے، یوں انہوں نے ویسٹ انڈیز کے سابق کپتان کیرون پولارڈ کا 14 ہزار 803 رنز کا ریکارڈ توڑ دیا۔ پولارڈ نے یہ ریکارڈ 663 اننگز میں قائم کیا تھا۔
مزید پڑھیں: پورٹ آف اسپین ٹیسٹ : پاکستان نے ویسٹ انڈیز کو 8 وکٹوں سے شکست دے کر سیریز1-1 سے برابر کردی
Jos Buttler dispatches the ball for six to win the game for Manchester Super Giants AND to bring up his 50 🤩#TheHundred | #RoadToTheEliminator pic.twitter.com/mT8BQCwtpt
— The Hundred (@thehundred) August 5, 2026
ٹی20 کرکٹ میں سب سے زیادہ رنز بنانے والوں کی فہرست میں ویسٹ انڈیز کے ہی سابق اوپنر کرس گیل تیسرے نمبر پر ہیں، جنہوں نے 455 اننگز میں 14 ہزار 562 رنز اسکور کر رکھے ہیں۔
ٹی20 کرکٹ میں سب سے زیادہ رنز بنانے والے ٹاپ 10 بلے بازوں میں پاکستان کے 2 کھلاڑی شامل ہیں، جن میں شعیب ملک 13 ہزار 698 رنز کے ساتھ چوتھے جبکہ بابراعظم 12 ہزار 859 رنز کے ساتھ نویں نمبر پر موجود ہیں۔
