سابق اپوز یشن لیڈر قومی اسمبلی راجا ریاض نے کہا ہے کہ اللہ کا شکر ہے کہ چیئرمین پی ٹی آئی عمران خان وزیراعظم نہیں رہا اگر ہوتا تو اس نے اسرائیل کو تسلیم کرلینا تھا، چیئرمین پی ٹی آئی یہودی لابی کا آدمی ہے۔ عمران خان نے آج اسرائیل کو تسلیم کیا ہوتا تو اسرائیل فلسطین پر جو تشدد کررہا ہے اس کا بوجھ پاکستانیوں پر آنا تھا۔
لاہور میں میڈیا سے گفتگو کرتے ہوئے ان کا کہنا تھا کہ ن لیگ کے پاس دوسری جماعتوں کے لوگوں کو ایڈجسٹ کرنے لیے جگہ نہیں ہے۔ بہت لوگوں کے لیے بات کی ہے لیکن ن لیگ کے پاس ایم این اے ایم پی اے بہت زیادہ ہیں، ٹکٹ دینے میں بھی مشکلات آرہی ہیں۔
مزید پڑھیں
راجا ریاض کا کہنا تھا کہ مسلم لیگ ن پنجاب میں کلین سوئپ کرے گی۔ مجھے نہیں لگتا کہ استحکام پاکستان پنجاب میں سیٹیں نکال سکے گی، لیکن حالات کا کچھ نہیں کہا جاسکتا سیاست میں تبدیلیاں ہوتی رہتی ہیں۔
ان کا کہنا تھا کہ (استحکام پاکستان پارٹی) آئی پی پی اور مسلم لیگ ن کا اتحاد نہیں ہے، مسلم لیگ ن کو پنجاب میں اتحاد کی ضرورت نہیں، سیٹ ایڈجسٹمنٹ کے حوالے سے ورکنگ جاری ہے۔
