سابق وزیراعظم و چیئرمین پاکستان تحریک انصاف عمران خان نے اپنی اہلیہ بشریٰ بی بی کے سابق شوہر خاور مانیکا کے بیان کو جھوٹ قرار دیا ہے۔
پی ٹی آئی چیئرمین کے وکیل شیر افضل مروت نے میڈیا سے گفتگو میں کہا ہے کہ عمران خان کے مطابق خاور مانیکا کا بیان جھوٹا ہے۔
انہوں نے کہاکہ ملک میں جمہوریت کو پروان نہیں چڑھنے دیا جا رہا، تحریک انصاف کو مائنس کرنے کے لیے قائدین کے گھریلو معاملات پر باتیں کی جا رہی ہیں جس کا کوئی جواز نہیں۔
مزید پڑھیں
واضح رہے کہ گزشتہ روز بشریٰ بی بی کے سابق شوہر خاور مانیکا نے ایک ٹی وی انٹرویو میں کہا تھا کہ عمران خان نے پیری مریدی کے چکر میں میرا ہنستا بستا گھر تباہ کیا۔
انہوں نے اپنی سابقہ اہلیہ پر الزام لگاتے ہوئے کہاکہ بشریٰ بی بی کی عمران خان سے ملاقات اسلام آباد دھرنے کے دوران ہوئی تھی جس کے بعد یہ سلسلہ آگے بڑھتا گیا۔
خاور مانیکا نے دعویٰ کیا کہ ایک بار میں نے اپنے نوکر کے ذریعے عمران خان کو دھکے دے کر گھر سے نکلوایا بھی تھا۔
خاور مانیکا کے انٹرویو پر قائد ن لیگ نواز شریف نے بھی اپنے ردعمل کا اظہار کیا ہے اور کہا ہے کہ عمران خان کو ریاست مدینہ کا نام نہیں لینا چاہیے تھا۔
