کورونا پھیل گیا لیکن ’آپ نے گھبرانا نہیں‘، ریاست کیرالہ کا عوام کو مشورہ

منگل 19 دسمبر 2023
icon-facebook icon-twitter icon-whatsapp

بھارت کی ریاست کیرالہ نے کوویڈ کیسز میں اضافے کے بعد لوگوں کو محتاط رہنے کے ساتھ ساتھ نہ گھبرانے کی بھی ہدایت کی ہے۔

بھارتی میڈیا کے مطابق ملک کی جنوبی ریاست میں کوویڈ 19 کی ایک قسم جے این 1 کے پائے جانے کے بعد اس سے متاثرہ افراد میں اضافہ ریکارڈ ہوا ہے۔ کورونا کی یہ قسم امریکا اور چین سمیت کئی ممالک میں پائی جاچکی ہے۔ منگل کے روز ریاست میں کورونا کے کل 115 نئے کیسز سامنے آئے۔

اس حوالے سے ریاستی وزیر صحت وینا جارج نے کہا ہے کہ کورونا کیسز میں اضافہ ہوا ہے لیکن عوام کو گھبرانے کی ضرورت نہیں کیوں کہ صورتحال قابو میں ہے۔

عالمی ادارہ صحت کا کہنا ہے کہ تمام منظور شدہ ویکسینز کورونا کی اس قسم کے خلاف تحفظ فراہم کریں گی۔

وزیر صحت کیرالہ وینا جارج

انڈیا ٹوڈے کی رپورٹ میں کہا گیا ہے کہ منگل کو بھارت کی وفاقی وزارت صحت کے اعداد و شمار کے مطابق، کیرالہ میں گزشتہ 24 گھنٹوں میں 115 کوویڈ کیسز اطلاع ملی ہے جس کے بعد ریاست میں وائرس کے کل فعال کیسز کی تعداد 1,749 ہوگئی ہے۔ ہفتے کے روز اس بیماری سے 4 اموات کی اطلاع ملی تھی۔

وزارت کی ویب سائٹ کے مطابق منگل کی صبح 8 بجے تک ملک بھر سے رپورٹ کیے گئے 142 میں سے 115 کیسز کیرالہ میں ہیں۔ ریاست میں گزشتہ 24 گھنٹوں کے دوران وائرس کی وجہ سے کوئی موت نہیں ہوئی ہے۔

کیرالہ کے متعلقہ حکام نے کیسز میں اضافے کی وجہ ریاست میں ٹیسٹ کی بلند شرح کو قرار دیتے ہوئے کہا ہے کہ چوں کہ ٹیسٹ بڑی تعداد میں ہوئے ہیں اس لیے کورونا مثبت کیسز بھی زیادہ سامنے آئے۔

حکام نے بتایا کہ کورونا کی یہ  ذیلی قسم کیرالہ میں دسمبر کے آغاز میں مثبت ٹیسٹوں کے نمونوں میں پائی گئی۔

انہوں نے بتایا کہ ایک 79 سالہ مریضہ میں انفلوئنزا جیسی بیماری کی ہلکی علامات تھیں اور اس کے بعد وہ صحت یاب ہو چکی ہیں۔ وینا نے مزید کہا کہ ملک کے دیگر حصوں میں اس کی قسم پہلے سے موجود ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

ترکیہ میں اسٹیل پلانٹ میں دھماکا، 16 افراد جان کی بازی ہارگئے، 13 زخمی

نئے صوبوں کا فیصلہ پارلیمنٹ کرے گی، اصل مسئلہ دہشتگردی ہے مولانا فضل الرحمان کے گھر کا جنریٹر نہیں، رانا ثنا اللہ

پوٹاشیم ملا نمک دنیا بھر میں لاکھوں اموات روکنے کی صلاحیت رکھتا ہے، تحقیق

تربیلا ڈیم سے دریائے سندھ میں پانی کے اخراج میں اضافے کا امکان، پی ڈی ایم اے کا الرٹ جاری

تربیلا ٹی 5 منصوبے کا حفاظتی بند ٹوٹ گیا، تعمیراتی کام غیر معینہ مدت کے لیے معطل

ویڈیو

اقبال کے کلام اور فکر کو آگے بڑھانے کی ضرورت ہے، ڈاکٹر بصیرہ عنبرین

16 برس قبل تباہ ہونے والا اسکول پی ٹی آئی حکومت 13 برس میں تعمیر نہ کرسکی

اسلام آباد کی سڑکوں پر چلتی پھرتی کافی شاپ، آنکھوں میں بڑے خواب سجائے نوجوان کی دلچسپ کہانی

کالم / تجزیہ

اقبال اور سعودی عرب

ہارا ہوا ٹرمپ کیا کرے گا؟

انور مسعود کی دیوارِ گریہ