فٹ بال کلب لیورپول کے اسٹار فٹ بالر محمد صلاح نے کہا ہے کہ غزہ میں لڑائی کے دوران بوجھل دل کے ساتھ کرسمس گزاری ہے۔
سوشل میڈیا ایکس پر مصر کے اسٹار فٹ بالر محمد صلاح جو فٹ بال کلب لیور پول سے بھی منسلک ہیں، نے کرسمس کے موقع پر اپنے پیغام میں کہا کہ ’ہمیں غزہ میں اپنے پیاروں کے لیے غمزدہ خاندانوں کو فراموش نہیں کرنا چاہیے، غزہ میں لڑائی کے دوران بھاری دل کے ساتھ کرسمس منائی ہے۔‘
محمد صلاح نے اپنے سوشل میڈیا پیجز پر کرسمس ٹری کی ایک سیاہ اور سفید تصویر پوسٹ کرتے ہوئے پیغام میں لکھا تھا کہ وہ غزہ میں لڑائی کے دوران بوجھل اور بھاری دل کے ساتھ کرسمس منائی ہے۔ ’اس سال ہم مشرق وسطیٰ میں جاری وحشیانہ جنگ، خاص طور پر غزہ میں ہونے والی ہلاکتوں اور تباہی کے باعث بہت بھاری دلوں کے ساتھ کرسمس کا تہوار گزارا ہے اور ہم ان خاندانوں کے دکھ میں شریک ہیں جو اپنے پیاروں کے کھو جانے کے غم میں مبتلا ہیں۔‘
Christmas is a time when families get together and celebrate. With the brutal war going on in the Middle East, especially the death and destruction in Gaza, this year we get to Christmas with very heavy hearts and we share the pain of those families who are grieving the loss of… pic.twitter.com/NqynT2LsST
— Mohamed Salah (@MoSalah) December 25, 2023
‘انہوں نے لکھا کہ ’براہ کرم انہیں مت بھولیں اور ان کے دکھوں کی عادت نہ ڈالیں۔ میری کرسمس۔‘
یہاں یہ بات بھی قابل ذکر ہے کہ غزہ میں اسرائیل کی جارحیت پر ایک ہفتے سے زیادہ عرصے تک اس معاملے پر خاموش رہنے کے باعث محمد صلاح کو اپنے آبائی ملک مصر میں کچھ تنقید کا سامنا کرنا پڑا تھا۔
مصری ہلال احمر کے اہلکاروں نے اکتوبر میں کہا تھا کہ محمد صلاح نے غزہ کے لوگوں کی مدد کے لیے ‘اہم عطیہ’ دیا ہے۔ اکتوبر میں غزہ میں جنگ شروع ہونے کے اپنے پہلے تبصرے میں محمد صلاح نے جنگ ختم کرنے کا مطالبہ کیا تھا، انہوں نے جنگ کو ‘قتل عام’ قرار دیا اور غزہ میں انسانی امداد کی اجازت دینے کی اپیل کی تھی۔
— Mohamed Salah (@MoSalah) October 18, 2023
