اسلام آباد کی انتظامیہ نے شوکت خانم میموریل اسپتال کا فنڈ ریزنگ پروگرام کے لیے جاری کیا گیا نو اوبجیکشن سرٹیفکیٹ (این او سی ) منسوخ کر دیا ہے۔
جمعرات کو گورنمنٹ آف پاکستان آفس آف ڈسٹرکٹ مجسٹریٹ اسلام آباد کیپٹل ٹیریٹری کی جانب سے یونس ایوان ٹریٹری منیجر شوکت خانم میموریل ٹرسٹ کو ایک نوٹیفکیشن جاری کیا گیا ہے جس میں انہیں این او سی کے منسوخ کیے جانے کی اطلاع دی گئی۔
این او سی منسوخ کیے جانے والے نوٹیفکیشن میں شوکٹ خانم میموریل اسپتال کے حکام سے کہا گیا ہے کہ وہ میرٹ ہوٹل میں جاری فنڈ ریزنگ کی سرگرمیاں فوری معطل کردیں اگر ایسا نہ کیا گیا تو قانون کے مطابق تمام ضروری کارروائی عمل میں لائی جائے گی۔
ادھر شوکت خانم اسپتال کے حکام نے کہا ہے کہ اسلام آباد انتظامیہ کی جانب سے فنڈ ریزنگ سرگرمیاں معطل کیے جانے کی وجوہات نہیں بتائی گئی ہیں۔
