پاکستان مسلم لیگ ن کی چیف آرگنائزر مریم نواز کے اثاثوں کی تفصیلات منظر عام پر آ گئی ہیں۔
لاہور سے قومی اسمبلی کی نشست این اے 119 کے لیے جمع کرائے گئے کاعذات نامزدگی کے ساتھ مریم نواز نے اپنے اثاثوں کی تفصیلات بھی جمع کروائی ہیں۔
دستاویز کے مطابق مریم نواز اپنے بھائی حسن نواز کی 2 کروڑ 89 لاکھ روپے سےزیادہ کی مقروض ہیں، مریم نواز کسی بھی گاڑی کی مالک نہیں ہیں۔
مریم نواز نے اپنے اثاثوں میں لاہور کے مختلف موضع جات میں 84 کروڑ 25 لاکھ 84 ہزار روپے سے زیادہ مالیت کی 1500 کنال سے زیادہ اراضی ظاہر کی ہے۔
مریم نواز نے 17 لاکھ 50 ہزار روپے مالیت کا سونا بھی اپنی ملکیت ظاہر کیا ہے۔ ان کے پاس مختلف بینک اکاؤنٹس اور کیش کی صورت میں ایک کروڑ روپے سے زیادہ کی رقم موجود ہے۔
مریم نواز نے اثاثوں میں ایک کروڑ 22 لاکھ مالیت کے مختلف کمپنیوں میں 11 لاکھ 20 ہزار شیئرز ظاہر کیے ہیں۔
دستاویز کے مطابق مریم نواز کے اثاثوں میں ایک سال کے دوران 40 لاکھ روپے سے زیادہ کا اضافہ ہوا ہے۔
