ماورا حسین کا شمار پاکستان کی سب سے زیادہ پسند کی جانے والی اداکاراؤں میں ہوتا ہے۔ انہوں نے ڈراموں اور فلموں دونوں میں کام کیا ہے اور اب وہ بہت سے معنی خیز اسکرپٹ کا انتخاب کرتی ہیں۔
ماورا حسین اپنے کام کے ساتھ ساتھ تعلیم کو جاری رکھنے کے طریقے پر خواتین مداحوں کی جانب سے بہت تعریف حاصل کر رہی ہیں اور وہ اپنے نوجوان مداحوں کو متاثر کرنے میں کامیاب رہی ہیں۔
انہیں حال ہی میں ڈراموں ’نیم‘ اور ’نوروز ‘ میں کردار ادا کرتے ہوئے دیکھا گیا اور ان کے ان دونوں ڈراموں میں ادا کیے گئے کردار کو مداحوں نے بے حد پسند کیا ہے۔
ماورا اپنے ڈراما سیریل ’ثبات‘ اور ’نیم‘ کے ساتھی اداکارامیر گیلانی کی بہت اچھی دوست بھی ہیں کیوں کہ وہ ماورا کے سابق کلاس فیلو بھی رہے ہیں۔
دونوں کے مشترکہ دوست بھی ہیں، یہی وجہ ہے کہ ان دونوں کو اپنی دوست کی بارات سے لطف اندوز ہوتے ہوئے دیکھا گیا ہے۔
ان کی اس تقریب کے کچھ تصاویر سوشل میڈیا پر بھی شیئر کی گئی ہیں، جس میں وہ انتہائی خوش نظر آ رہے ہیں۔
