بلوچستان کے علاقے سبی میں منعقد ہونے والے تاریخی ’سبی میلہ‘ میں فرینڈز آف چائنا فورم کی جانب سے مفت میڈیکل کیمپ کا انعقاد کیا گیا۔
سبی میں منعقد ہونے والے تین روزہ ’سبی میلہ 2023 ‘ کے دوران فرینڈز آف چائنا فورم کے زیر اہتمام مفت ویٹرنری میڈیکل کیمپ کا انعقاد کیا گیا۔ اس دوران ماہر ویٹرنری ڈاکٹرز نے مقامی کیٹل فارم مالکان اور بریڈرز کو جانوروں کے مفت علاج کی فراہمی کے ساتھ انہیں بیماریوں سے بچاؤ سے متعلق آگاہی بھی فراہم کی۔
فرینڈز آف چائنا فورم کے مفت میڈیکل کیمپ میں مختلف جانوروں کو بیماریوں سے بچاؤ کے ٹیکے بھی لگائے گئے۔ جب کہ مختلف بیماریوں میں مبتلا جانوروں کا علاج اور ان کے مالکان کو ادویات فراہم کی گئیں۔
’سبی میلہ‘ میں مفت ویٹرنری میڈیکل کیمپ کے انعقاد پر بلوچستان بھر کے مویشی پالنے والے افراد نے پاک چین دوستی کے حوالے سے نیک تمناؤں کے اظہار کے ساتھ فرینڈز آف چائنا فورم کا شکریہ ادا کیا۔
