نادرا عملے کیخلاف شکایات کے فوری ازالے کے لیے نظام وضع کردیا گیا

نیشنل ڈیٹا بیس رجسٹریشن اتھارٹی (نادرا) نے مرکزی نظام برائے تصفیہ شکایات قائم کر دیا۔

نادرا حکام کے مطابق ادارے کی خدمات، سہولیات یا عملے سے متعلق کوئی بھی شکایت آن لائن ویب پورٹل پر درج کرائی جاسکتی ہے یا اس حوالے سے ہیلپ لائن پر بھی کال کی جاسکتی ہے۔ ان کا کہنا تھا کہ نادرا کی جانب سے ایسی شکایات کا بروقت ازالہ کیا جائے گا۔

نادرا سے متعلق تمام شکایات
دور کرائیں سہولت کے ساتھ

مرکزی نظام برائے تصفیہ شکایات

کسی بھی خدمات، سہولیات یا عملے سے متعلق کوئی بھی شکایت ہو
آن لائن ویب پورٹل پر درج کرائیں یا ہیلپ لائن پر کال کریں اور فوری حل کرائیں

نادرا کا مستعد عملہ چوبیس گھنٹے آپ کی خدمت کے لئے حاضر

جدید… pic.twitter.com/Ra6McgkTUG

— NADRA (@NadraPak) December 2, 2023

حکام نے کہا کہ نادرا کا مستعد عملہ 24 گھنٹے عوام کی خدمت کے لیے حاضر ہے اور شکایت درج کرانے پر متعلقہ ڈیپارٹمنٹ کے نمائندے خود شکایت کنندہ سے رابطہ کریں گے اور فوری طور پر یا زیادہ سے زیادہ 7 دن کے اندر مسئلہ حل کردیا جائے گا۔

اس حوالے سے شہری اپنی شکایات نادارا کے ویب پورٹل :http://complaints.nadra.gov.pk، 24 گھنٹے مستعد ہیلپ لائن:051-111786100 اور پاکستانی موبائل صارفین کے لیے :1777 پر کرسکتے ہیں۔ اس پلیٹ فارم پر درج ہونے والی شکایات کا فوری ازالہ یقینی بنایا جائے گا۔