عمران عباس پاکستان کے بہترین اداکاروں میں سے ایک ہیں۔ ڈرامے ہوں یا فلمیں یا ہوسٹنگ عمران نے ہر شعبے میں شاندار کارکردگی کا مظاہرہ کیا ہے اور انہوں نے ہمیشہ جو بھی کردار ملا اسے بخوبی نبھایا ہے۔
اب وہ ایک نیا تجربہ کرنے جا رہے ہیں کیوں کہ وہ پہلی مرتبہ ایک پنجابی زبان کی فلم میں مرکزی کردار کے طور پر نظر آئیں گے۔
جب سے انہوں نے شوٹنگ کی تصاویر شیئر کیں ان کے مداح ٹریلر کے آنے کا انتظار کر رہے تھے تاہم اب انتظار کی گھڑیاں ختم ہوگئیں۔
عمران کی پہلی فلم کا نام جیوے سوہنیا جی ہے اور اس میں ایک ایسے لڑکے کی کہانی دکھائی گئی ہے جو سرحد پار سے اپنی محبت جیتنے کے لیے ہر حد تک جاتا ہے۔ اپنی محبت سے وہ بیرون ملک ملا ہوتا ہے۔
اپنی ان کاوشون کے دوران وہ ہر طرح کی مہم جوئی اور کاموں سے گزرے گا لیکن وہ اپنی محبت پر قائم رہے گا۔ اس فلم کے گانے بھی عمدہ ہے اور امید ہے کہ وہ بیحد مقبول ہوں گے اور ملک میں جگہ جگہ گونج بھی رہے ہوں گے۔
سرحد کے دونوں جانب شائقین عمران عباس کی فلم کے لیے پرجوش اور ریلیز کے منتظر ہیں۔
